Magnum saýda jelisinde bolǵan daý aıaqtaldy. Kýrer men tutynýshy halyqqa arnaıy vıdeo úndeý joldap, túsinispeýshiliktiń sheshilgenin málimdedi, dep habarlaıdy "Adyrna" ulttyq portaly.
Vıdeoda tapsyrys jetkizýshi (red. kýrer) jumysqa qaıta ornalasqanyn aıtyp, tutynýshymen tatýlasqanyn kórsetti. Ekeýi de bolǵan jaǵdaıǵa qatysty halyqtan máselege núkte qoıýdy surap, barsha qoldaý bildirgenderge alǵys aıtty.
"Sońǵy kúnderi áleýmettik jelide maǵan jáne Magnýmǵa qatysty áńgime bolyp jatyr. Sol týraly túsindirip ketsem deımin. Aldymen barshańyzǵa qoldaý kórsetip jatqanyńyzǵa úlken raqmet aıtamyn. Ómir bolǵan soń túsinispeýshilik bolyp turady. Biraq bárimiz qazaqpyz. Elimizge tatýlyq kerek. Biz kezdesip, qol alysyp, tatýlastyq. Qazir Magnýmǵa jumysymdy jalǵastyryp jatyrmyn. Jumys berýshige esh shaǵymym joq. Bárimiz bir qazaqpyz. Úlken raqmet!" - dedi tapsyrys jetkizýshi.
Jelide jazba jarııalap, rezonans týdyrǵan Asylhan esimdi azamat ta pikir bildirdi.
"Qadirli aǵaıyn! Mundaı jaǵdaıdyń bolǵany ókinishti. Bir-birimizdi túsindik. Al ekeýmiz bir-birimizge eshqandaı ókpe-renishimiz joq", - dedi ol.
Aıta keteıik, áleýmettik jelide tarap ketken oqıǵa qoǵamda úlken rezonans týdyrǵan bolatyn. Endi taraptar tatýlasqandaryn ashyq bildirip, ózara ókpe-renishtiń qalmaǵanyn jetkizdi.
