Májilis depýtaty Ermurat Bapı Nurlan Nyǵmatýllınniń uly Nurjan Nurlanovtyń reıderlik is boıynsha kúdikti dep tanylmaǵanyna qatysty pikir bildirdi, dep habarlaıdy "Adyrna" ulttyq portaly.
Bapı bul máseleniń tıisti organdardyń kinási ekenin atap ótti.
«Eger Nurlanovtyń reıderlikpen aınalysqany dáleldenbese, bul - bizdiń tıisti organdardyń kinási. Eger bir azamat naqty shaǵymdanǵan bolsa, ol jaıdan-jaı emes shyǵar? Nege ol Nurlan Nyǵmatýlınniń ulynyń ústinen shaǵymdandy? Bul jerde bir nárse bar. Sondyqtan, bıznesin joǵaltqan azamat aryz berip, shaǵym jasaýǵa múmkindigi bar», - dedi Ermurat Bapı májiliste.
Nurjan Nurlanov 2022 jylǵy Qańtar oqıǵalaryna deıin «QazMunaıGaz-Aero» JShS-nyń bas dırektory bolyp qyzmet atqarǵan. Sonymen qatar, ol «Báıterek» ulttyq basqarýshy holdıngi basqarmasynyń múshesi bolǵan. Nurlan Nyǵmatýllın 2022 jyly májilis spıkeriniń qyzmetinen ketti. Ol 2016 jyldan bastap tómengi palatany basqardy, bul onyń ekinshi merzimi boldy.
Buǵan deıin Nyǵmatýllınder otbasynyń atyna reıderlik shabýyldar men qylmystyq shemalarǵa qatysy bar degen aıyptaýlar birneshe ret aıtylǵan bolatyn. 2023 jyldyń naýryz aıynda Erlan Nyǵmatýllınge qatysty reıderlik aıyptaýmen shaǵymdanǵan Natalıa Ovdeıchýk pen Ramıs Ibragımovtyń aryzy boıynsha qylmystyq is qozǵalǵany habarlandy.
