Is-şara barysynda Ūlttyq qūryltai şeşımderın jüzege asyru joldary talqylandy. Azamattyq qoǧamnyŋ qoǧamdyq qatysu men baqylaudaǧy rölıne, sondai-aq memleket pen halyq arasyndaǧy özara ıs-qimyl tetıkterıne erekşe nazar audaryldy.
Talqylauǧa memlekettık organdardyŋ, saraptamalyq ortalyqtardyŋ, ükımettık emes ūiymdardyŋ ökılderı, sondai-aq bılım beru, azamattyq qoǧam jäne özge de salalardaǧy sarapşylar qatysty.
Otyrysqa qatysuşylarǧa onlain formatta Qazaqstan Respublikasynyŋ Prezidentı janyndaǧy Qazaqstannyŋ strategiialyq zertteuler institutynyŋ direktory Erkın Tūqymov söz söiledı. QSZİ basşysy Ūlttyq qūryltaidyŋ IV otyrysynyŋ Burabaida ötuı öŋırlerdıŋ eldıŋ ornyqty damuyndaǧy maŋyzdy rölın körsetetının aityp, Prezidenttıŋ: «Küştı öŋırler – quatty el»degen sözderın eske saldy.
E. Tūqymov ötken aptada Ūlttyq qūryltai bastamalaryn jüzege asyru jospary bekıtılgenın atap öttı.
QR Prezidentı janyndaǧy QSZİ direktorynyŋ orynbasary Nūrlan Saquov öz sözınde öŋırlerdı ortalyqsyzdandyru jäne olardyŋ biudjettık derbestıgın arttyru soŋǧy jyldardaǧy öŋırlık memlekettık saiasattyŋ basty baǧyttarynyŋ bırı bolǧanyn atap öttı.
Ol sondai-aq Burabaida ötken Ūlttyq qūryltai otyrysynda Memleket basşysy är öŋır üşın ösu nüktelerın aiqyndaityn Öŋırlık saiasat tūjyrymdamasyn äzırleudı tapsyrǧanyn eske saldy. Atap aitqanda, Aqmola öŋırı mektepterdıŋ jetkılıksızdıgı, jol sapasynyŋ tömendıgı jäne jelılerdıŋ tozuy siiaqty mäselelerdı şeşuı qajet.
«Tūjyrymdamada salyqtardyŋ bır bölıgın jergılıktı deŋgeige beru arqyly öŋırlerdıŋ ekonomikalyq jäne biudjettık derbestıgın odan ärı arttyru qarastyrylǧan», – dedı QSZİ direktorynyŋ orynbasary.
Qoǧamdyq baqylau instituttaryn küşeitu qajettıgıne toqtalǧan N. Saquov mäslihattardyŋ jergılıktı biudjetterdı talqylau men bekıtu üderısındegı maŋyzdy rölın atap öttı.
«Menıŋ oiymşa, mäslihattardyŋ apparattaryn küşeitıp, olardy saraptamalyq resurstarmen qamtamasyz etu, äsırese biudjet qabyldau üderısındegı aşyqtyqty arttyru qajet. Memleket basşysy ūsynǧan: «yqpaldy Parlament – esep beretın Ükımet» formulasyn öŋırlık deŋgeide de qoldanuǧa bolady. Būl atqaruşy organdardyŋ jergılıktı ökıldı organdarǧa esep beruın qamtamasyz etedı», – dedı N. Saquov.
«AMANAT» partiiasynyŋ Aqmola oblystyq filialynyŋ atqaruşy hatşysynyŋ orynbasary Aqmanat Älımbetova öŋırdegı qoǧamdyq monitoringtegı partiia ülesı turaly aityp berdı.
«Qoǧamdyq baqylau beketterı aiqyndalǧan. Oblystyq filialda sybailas jemqorlyqqa qarsy ıs-qimyl jönındegı qoǧamdyq keŋes jūmys ısteidı, onyŋ müşelerı de monitoring jürgızedı. Äleumettık jelılerde halyq özektı mäselelerdı kötergende, partiia belsendılerınıŋ, sarapşylardyŋ, ÜEŪ ökılderınıŋ qatysuymen jedel äreket etu täjıribesı qalyptasty», – dedı A. Älımbetova.
«Aqmola oblysynyŋ Azamattyq aliansy» zaŋdy tūlǧalar bırlestıgınıŋ töraǧasy İrina Terenteva qoǧamdyq baqylaudy käsıbilendıru qajettıgın atap öttı.
«Halyq ünıne qūlaq asatyn memleket» qaǧidatyn jüzege asyru üşın qoǧamdyq belsendılerge tiıstı bılım men qūzyretter qajet: memlekettık organdarǧa qalai hat joldau kerek, nenı eskeru qajet, qoǧamdyq baqylau degen ne, ärtürlı ÜEŪ-nyŋ ökılettıkterı qandai? Memleket pen ükımettık emes sektor arasynda özara qozǧalys boluy tiıs. Uaqyt öte kele būl azamattyq sektordyŋ damuyna yqpal etedı. Sonda ǧana qoǧamdyq baqylaudyŋ käsıbilenuı turaly aita alamyz», – dedı İ. Terenteva.
Aqmola oblystyq ardagerler keŋesı töraǧasynyŋ orynbasary Şiiap Alievjastardyŋ äleuetın el damuyna jūmyldyru qajet ekenın aityp, Jūmysşy mamandyqtar jyly jariialanǧanyn qūptady.
Aqmola oblysynyŋ käsıpkerler qūqyǧyn qorǧau jäne sybailas jemqorlyqqa qarsy ıs qimyl keŋesınıŋ töraiymy Valentina Geraşenko salyq reformasyn talqylauǧa käsıpkerlerdı tartu maŋyzdy ekenın aitty.
«Bügınde bız käsıpkerlerdıŋ keŋ auqymyn Palata janyndaǧy jetı salalyq keŋestıŋ jūmysyna tartuǧa müddelımız. Keŋester jaŋa ekonomikalyq saiasat pen salyq reformasyn talqylau alaŋyna ainalyp otyr. Būl biznes qauymdastyǧyna memlekettık organdarmen özara tiımdı ärekettesuge mümkındık beredı. Keŋester jūmysyna oblys äkımınıŋ orynbasarlary, audan äkımderı men orynbasarlary, oblystyq basqarma basşylary, sot pen prokuratura ökılderı, Antikorrupsiialyq qyzmet pen deputattar qatysady», – dep naqtylady V. Geraşenko.
Aqmola oblysy Sifrlandyru jäne arhivter basqarmasynyŋ «Smart Aqmola» bölımınıŋ basşysy Gülım Begalina öz sözınde sifrlyq sauattylyq pen qauıpsızdık mäselelerıne toqtalyp, olardyŋ azamattyq bastamalar men qoǧamdyq baqylaudyŋ damuyna äser etetının aitty.
Talqylaudy qorytyndylai kele, QSZİ direktorynyŋ orynbasary, alaŋ moderatory Alua Joldybalina qoǧamdyq monitoring pen baqylau jobalardyŋ sapaly oryndaluyn, bastapqy josparǧa säikestıgın jäne biudjettık qarajattyŋ tiımdı jūmsaluyn baǧalauǧa mümkındık beretının atap öttı. KİSİ GPS alaŋynyŋ qatysuşylary būl üderıs memleket bastamalaryn baqylaudy küşeituge, problemalardy anyqtauǧa jäne şeşu joldaryn ūsynuǧa mümkındık beretının aitty.
