Qamaýda otyrǵan Ekrem Imamoǵlý Túrkııanyń qazirgi bıligine qatysy bar brendter men kompanııalarǵa boıkot jarııalaýǵa úndedi. Bul týraly ol X áleýmettik jelisine jazdy, dep habarlaıdy “Adyrna” ulttyq portaly.
«Men partııamyzdyń tóraǵasy Ózgúr Ózel usynǵan boıkotty qoldaımyn. Mıllıondaǵan azamattarymyzdy osy boıkotqa qosylýǵa shaqyramyn», – deıdi Imamoǵlý.
Onyń pikirinshe, boıkot maqsaty – bizdiń BAQ pen kásipti joıý emes, qaıta olardy buǵaýdan bosatý, erkindikke jetkizý.
«Olar jyldar boıy demokratııaǵa qarsy bıliktiń, azǵantaı ǵana toptyń aıtqanyna kónip keldi. Olar qoǵamdy úreıde ustap otyr. Ýaqyt ózgerdi. BAQ pen kásipke de tańdaý jasaıtyn kez keldi», – dep úndedi Imamoǵlý.
Aıta ketsek, Halyq respýblıkalyq partııasynyń tóraǵasy Ózgúr Ózel ótken aptada Túrkııada bılikti jaqtaıtyn brendter men kompanııalarǵa boıkot jarııalaýǵa shaqyrǵan.
Eske salaıyq, Túrkııa prezıdenti Redjep Erdoǵannyń basty saıası qarsylasy Ekrem Imamoǵlý ótken aptada qamaýǵa alynǵan. Oǵan jemqorlyq jasady, terrorshy toptarǵa kómektesti degen aıyptar taǵylǵan.
