Reseı prezıdentiniń kómekshisi Iýrıı Ýshakov ýaqytsha kelisimge qatysty málimdeme jasady, dep habarlaıdy "Adyrna" ulttyq portaly.
Reseı prezıdentiniń kómekshisi Iýrıı Ýshakov 13 naýryzda Vladımır Pýtınniń AQSh-tyń Ýkraınadaǵy 30 kúndik ýaqytsha bitim týraly usynysyna naqty jáne mazmundy baǵa berýi múmkin ekenin aıtty. Bul týraly ol «Rossııa-1» telearnasyndaǵy «60 mınýt» baǵdarlamasynda málimdedi.
"Bizdiń basty maqsatymyz – uzaq merzimdi beıbit retteý. Biz soǵan umtylamyz. Bul retteý bizdiń eldiń zańdy múddelerin jáne belgili qaýiptenýlerimizdi eskerýi kerek. Al beıbit proesti tek ımıtaııalaıtyn qadamdar qazirgi jaǵdaıda eshkimge qajet emes dep oılaımyn", – dedi Iýrıı Ýshakov.
Skabeeva Ýshakovtan "Reseı bul usynysty qabyldamaıdy degendi bildire me?" dep surady.
Alaıda prezıdent kómekshisi bul tek óziniń jeke pikiri ekenin aıtyp, naqty sheshimdi búgin ótetin baspasóz konferenııasynda Vladımır Pýtın jarııalaıtynyn jetkizdi.
Aıta keteıik, 11 naýryzda Saýd Arabııasynyń Djıdda qalasynda Ýkraına men AQSh delegaııalary arasynda kelissózder ótti.
Ýkraına 30 kúndik ýaqytsha bitimge kelisýge daıyn ekenin bildirdi. Al AQSh bul aqparatty Reseıge jetkizip, beıbitshilikke qol jetkizýdiń basty sharty – eki taraptyń ózara kelisimi ekenin atap ótti.
