10 nauryzda Siriianyŋ jaŋa bilıgı Siriia demokratiialyq küşterı men (SDF) Kürd avtonomiialyq äkımşılıgınıŋ azamattyq jäne äskeri mekemelerın Siriia ükımetıne bırıktıru turaly kelısımge kelgenın jariialady. Kelısımde Siriianyŋ soltüstık-şyǧysyndaǧy naqty obektıler, sonyŋ ışınde şekaralyq posttar, äuejai jäne mūnai men gaz ken oryndary körsetılgen. Kelısım 2025 jyldyŋ soŋyna deiın jüzege asyryluy tiıs, dep habarlaidy “Adyrna” ūlttyq portaly AFP agenttıgıne sıltep.
2024 jyly jeltoqsanda Başar Asad rejimı qūlatylǧannan keiın Ahmed aş-Şaraa bastaǧan Siriianyŋ jaŋa bilıgı Siriiada äreket etetın qaruly toptardy taratyp, eldıŋ bükıl aumaǧynda baqylau ornatuǧa tyrysuda.
SDF-pen kelısımge qol qoiu Siriianyŋ batysyndaǧy jaǧalau aimaǧynda oryn alǧan qaruly qaqtyǧystar men
Qūqyq qorǧauşylardyŋ aituynşa, Siriianyŋ jaǧalaudaǧy Latakiia jäne Tartus provinsiialarynyŋ qalalarynda, auyldarynda jäne taularynda «qauıpsızdıktı qalpyna keltıru» operasiiasynyŋ tört künınde «Asad jasaqtarynyŋ qaldyqtary men olardy qoldaityndarǧa qarsy baǧyttalǧan» 1500-ge juyq adam qaza tapty, olardyŋ köpşılıgı beibıt tūrǧyndar.
Siriia prezidentınıŋ mındetın atqaruşy Ahmed aş-Şaraa operasiianyŋ aiaqtaluyna tüsınıkteme bere otyryp, Asadty qoldaityn toptardy soǧys qimyldarynyŋ bastamaşysy dep atady, sonymen bırge olardyŋ arasynda onyŋ jaqtastary bolsa da, beibıt tūrǧyndardy qyryp-joiuǧa jauaptylardy jazalauǧa uäde berdı.
