Jurnalist Mihial Kozachkov jelıdegı paraqşasynda halyqaralyq ızdeude jürgen Aqtau qalasy äkımınıŋ būrynǧy orynbasary Timur Säduaqasov Özbekstanda ūstalǧanyn jazdy, dep habarlaidy “Adyrna” ūlttyq portaly.
Aqparat boiynşa, eks-şeneunık Qazaqstannan zaŋsyz şyǧyp, aldymen Qyrǧyzstanǧa ötken. Sodan keiın Özbekstan aumaǧyna da zaŋsyz jolmen kırgen. Söitıp jergılıktı şekaraşylardyŋ qolyna tüsken. Endı oǧan 5 jyldan 10 jylǧa deiın bas bostandyǧynan aiyru jazasy taǧaiyndaluy mümkın. Sebebı Özbekstan Respublikasynyŋ şekarasyn aldyn ala kelısılgen toppen zaŋsyz kesıp ötkenderge osyndai jaza qarastyrylǧan.
Al Qazaqstanda Timur Säduaqasov "Tiolain" JŞS basşylyǧynyŋ qyzmetıne qatysty jemqorlyq qylmystary boiynşa küdıkke ılıngen. Būl kompaniia Soltüstık Qazaqstan oblysyndaǧy "Obuhovskoe" sirek kezdesetın metaldar ken ornyn igerumen ainalysady.
Atalǧan käsıporynnyŋ aksionerlerınıŋ bırı – Viktor Dolgalev te bıraz uaqyttan berı tergeu nysanynda. Ony zaŋsyz käsıpkerlıkpen ainalysty jäne jer qoinauyn öz betınşe paidalandy dep aiyptaǧan. Alǧaşynda
Tergeu boljamynşa Dolgalev ärdaiym serıktesterımen zaŋ aiasynda jūmys ıstei bermegen. Ol keibır mäselelerdı şeşu üşın şeneunık Säduaqasov arqyly qūqyq qorǧau organdarynyŋ kömegıne jügıngen. Osy sebeptı Säduaqasovqa "alaiaqtyq" jäne "para beruge itermeleu" baptary boiynşa aiyp taǧylǧan. Osylaişa Aqtau äkımınıŋ eks-orynbasary qaşuǧa mäjbür boldy, al būl äreketımen ol tek Qazaqstannyŋ ǧana emes, körşı eldıŋ de zaŋnamasyn būzdy. Endı Timur Säduaqasov bırden ekı elde türmege qamaluy mümkın.
Aita ketsek, Säduaqasov 2019 jyldyŋ aqpan aiynan berı Aqtau qalasy äkımınıŋ orynbasary qyzmetın atqarǧan.
Eske salaiyq, būǧan deiın Soltüstık Qazaqstan oblysy boiynşa ekonomikalyq tergeu departamentı Aqtau qalasy äkımınıŋ būrynǧy orynbasary Timur Säduaqasovqa ızdeu jariialady jäne tapqan adamǧa syiaqy berıletının habarladyq.