Būrynǧy Aqtau äkımınıń orynbasary Timur Säduaqasovqa ızdeu jariialanyp, onyń ornalasqan jerı turaly aqparat bergenderge syiaqy taǧaiyndalady. Būl turaly Qarjy monitoringı agenttıgı mälımdedı, dep habarlaidy “Adyrna” ūlttyq portaly.
"Izdestırılıp jatqan azamattyń qaida ekenı turaly qandai da bır aqparat bılseńız, Soltüstık Qazaqstan oblysy boiynşa ekonomikalyq tergeu departamentıne habarlasuyńyzdy sūraimyz. Telefondar: +7(7152)46-98-18 (kezekşı bölım), Call-center: 1458. Aqparat beruşılerge syiaqy jäne anonimdılık kepıldendırılgen", – dep mälımdedı Qarjy monitoringı agenttıgı.
Aqparatqa säikes, Timur Säduaqasov alaiaqtyq jäne asa ırı kölemde para beruge itermeleu boiynşa küdıkke ılıngen. Ol "MonolitTas" JŞS direktory bolǧan kezde qylmystyq ıs qozǧau mäselesın oń şeşu maqsatynda lauazymdy tūlǧalarǧa para beruge tyrysqan.
"Tioline" JŞS-ın basqarǧan kezınde Dolgalev pen basqa qūryltaişylar arasynda Obuhovskoe ken ornyndaǧy ülestı anyqtau jäne odan tüsken tabysty bölu mäselelerıne qatysty kelıspeuşılıkter bolǧan. Būl daular sot arqyly şeşılgen. Alaida Dolgalev Säduaqasov arqyly qūqyq qorǧau organdarynyń lauazymdy tūlǧalaryn satyp alyp, keibır qūryltaişylarǧa qarsy qylmystyq ıs qozǧauǧa tyrysqan. Būl arqyly ol serıktesterıne qysym jasap, olardyń zańdy talaptarynan bas tartuyn közdegen", – delıngen habarlamada.
Būǧan deiın Soltüstık Qazaqstan oblysy boiynşa Qarjy monitoringı agenttıgı "Tioline" JŞS-nıń Obuhovskoe ken ornynda zańsyz paidaly qazbalardy öndıru ısın tergep, tergeudı aiaqtaǧan bolatyn. Qazır būl ıs sotta qaraluda.
Timur Säduaqasovqa qatysty alǧaşynda aqtau ükımı şyqqan, alaida keiın būl şeşımnıń küşı joiylǧannan keiın ol jasyrynǧan.