Qazaqstan saıası arenasynda ár qadam, ár sóz úlken mańyzǵa ıe. Prezıdenttiń suhbaty — tek aqparat berý emes, sonymen qatar saıası mádenıetti qalyptastyratyn mańyzdy qural. Bul suhbat nelikten nazar aýdarýǵa laıyq? Sebebi, ol eldegi eń ózekti suraqtarǵa jaýap beredi, qoǵamdaǵy túsinbeýshilikter men alyp-qashpa áńgimelerdiń aldyn alady.
Mamandardyń aıtýynsha, saıası transformaııa kezeńinde mundaı ashyqtyq erekshe qajet. Suhbat formaty týraly aıtylǵan synı pikirler de oryndy bolýy múmkin, biraq mundaı dıalog halyq pen bıliktiń arasyndaǵy kópirdi nyǵaıtady. Memleket basshysynyń osy suhbatta kótergen taqyryptary eldiń damý baǵytyn aıqyndaýǵa, saıası sheshimderdiń logıkasyn túsinýge múmkindik beredi.
Osyndaı úndeý Qazaqstan qoǵamy 2024 jyly atqarylǵan isterge taldaý jasap, bolashaqqa baǵdar jasaıdy. Onyń ishinde memlekettik basqarý formasy, saılaý proesteri, zań ústemdigi jáne eldiń saıası turaqtylyǵy sekildi mańyzdy máseleler qozǵaldy. Osyǵan baılanysty sarapshylardyń pikirleri de nazardan tys qalmaıdy. Saıasattanýshy Perdehan Shámshıevtyń pikirinshe, Prezıdent suhbatynda qoǵamda qordalanǵan suraqtarǵa jaýap berdi.
«Suhbatta ne aıtylǵany týraly aıtpastan buryn, osy bir saıası kommýnıkaııa formatyna toqtalaıyn. Prezıdenttiń suhbaty shyqqannan keıin onyń formatyna qatysty synı pikirler aıtyldy. Qatardaǵy azamat, tutas qoǵam árıne saıasatkerlerge joǵary talap qoıady. Bul tabıǵı áleýmettik qubylys. Alaıda dál osy formattaǵy suhbattan da halyq ózine kerek aqparatty ala alady. Qazirgi saıası transformaııa kezeńinde osyndaı format kerek te shyǵar»,- deıdi maman.
Suhbattyń mazmunyna toqtala otyryp, saıasattanýshy memleket prezıdentiniń qoǵamda qordalanǵan suraqtarǵa jaýap berilgeni mańyzdy ekenin aıtady.
« 2024 jyly bılik, Úkimet ne atqarǵany aıtylady. Budan basqa bir jyl boıy qoǵamda qordalanǵan suraqtarǵa jaýap berilgen. Suraqtar áralýan. Eger olarǵa der kezinde jaýap berilmese, túrli alyp-qashpa áńgime kóbeıedi. Sol úshin de suhbat mańyzdy. Ásirese saıasattanýshy retinde meni memleketti basqarý formasyna qatysty, saılaý proesine baılanysty suraqtar tolǵandyrady. Birinshi máselegen kelgende prezıdent prezıdenttik basqarýdyń tıimdi ekenin meńzegen. Mundaı kózqarasty men de qoldaımyn.
Saıası tarıhymyzdy zerttesek buǵan kózimiz jetedi. Biraq bul sheksiz bılikke umtylyp, sýperprezıdenttik basqarýǵa qaıta kelemiz degeni emes. Zańnyń ústemdigi ornamaǵan elde qaı bılik tarmaǵyna bılik berseń de, sheksiz bılikke umtylady. Sondyqtan parlamenttik respýblıka ıdeıasyn dáripteıtinderdiń kózqarastarymen kelise almaımyn. Qasym-Jomart Toqaev prezıdent bolǵaly beri «Kúshti Prezıdent-yqpaldy Parlament-esep beretin Úkimet» qaǵıdasyn júzege asyryp keledi. Biz osy baǵytta jumys isteýimiz qajet. Alaıda munymen toqtamaı, aldaǵy ýaqytta «ádil Sot» qaǵıdasyn qosýǵa bolady.
Aldaǵy saılaýlar týraly sybysqa da suhbatta jaýap berildi. Mundaı suraqtarǵa jaýap berý óte mańyzdy. Sebebi der kezinde jaýap berilmese qoǵamda túrli pikirler paıda bolyp, tipti memlekettik apparattyń jumysyna kedergi bolýy múmkin. 2019-2022 jyldary elimizde osyndaı «belgisizdik kezeńi» boldy. Kezekten tys parlament, prezıdent saılaýlary bolady degen talqylaýlar belgisizdik sezimin oıatady. Sondyqtan prezıdenttiń bul suraqtarǵa jaýap berýi oryndy. Byltyrǵy suhbatynda da osyǵan uqsas suraqqa jaýap bergen»,- deıdi Perdehan Shámshıev.
Gúlmıra Syzdyqqyzy
