Áleýmettik medıınalyq saqtandyrý qorynyń (ÁMSQ) basqarma tóraǵasy Ábilqaıyr Sqaqov qyzmetinen ketti. Bul týraly ol óziniń áleýmettik jelidegi paraqshasynda málim etti, dep habarlaıdy ”Adyrna” ulttyq portaly.
«Búgin men resmı túrde Áleýmettik medıınalyq saqtandyrý qory basqarma tóraǵasy qyzmetinen kettim. Bul meniń oılastyrylǵan sheshimim. Maǵan senim artqany úshin memleket basshylyǵyna alǵysymdy bildiremin. Osyndaı mańyzdy uıymdy basqarý – úlken jaýapkershilik jáne osy baǵytta jumys istep, densaýlyq saqtaý salasyn qarjylandyrý saıasatyn iske asyrý men úshin úlken mártebe boldy»,— dep habarlady Sqaqov áleýmettik jelidegi paraqshasynda.
Ol qor ujymyna alǵysyn bildirip, kóptegen qıyndyqtardan ótkenin jáne jańa jobalardy iske qosqanyn atap ótti.
«Sondaı-aq medıına jáne sarapshylyq qaýymdastyqtaǵy áriptesterime erekshe rızashylyǵymdy bildiremin. Biz ashyq pikir almasyp, keıde qyzý talqyǵa tústik. Biraq árdaıym ortaq maqsat – MÁMS júıesin jetildirý úshin jumys istedik. Osyndaı birlesken tıimdi jumys úshin kóp raqmet!» – dep jazdy ol.
Buryn Pavlodar oblysynyń ákimi bolǵan Sqaqov osy qordy 2023 jyldyń qyrkúıeginen bastap basqaryp kelgen bolatyn.
Eske sala ketsek, ótken jyly Qazaqstanda petıııa paıda bolyp, onyń avtorlary mindetti medıınalyq saqtandyrý júıesin ózgertýdi talap etken edi.
Jazda aýdıtorlar mindetti medıınalyq saqtandyrý júıesinde kóptegen zań buzýshylyqtardy, sonyń ishinde qosarlanǵan tólemder men medıınalyq qyzmetterdiń sapasyzdyǵyn habarlady.
