Marqūm Şerzat Polattyń qazasyna qatysty sot nauryz aiynda bastaluy mümkın, dep habarlaidy "Adyrna" ūlttyq portaly Dalanews-ke sıltep.
Būl turaly otbasynyń advokaty Saida Täuekelova mälımdedı.
“Is tolyq zerttelıp bolǧannan keiın sot uaqyty belgılı bolady. Menıń boljamym boiynşa, būl nauryzǧa deiın sozyluy mümkın. Öitkenı bızde qylmysqa qatysy barlar köp”, – dedı Saida.
Iske qatysty qazırgı tańda kınälı dep tanylǧan 11 adam ūstalyp, uaqytşa ūstau izoliatoryna qamauǧa alynǧany belgılı.
Şerzattyń ölımınen soń 9 jeltoqsanda marqūmnyń aǧasy Nūrqanat Ǧaiypbaev ta ajal qūşty. Polisiia departamentı onyń suisid jasaǧanyn mälımdedı. Oǧan dälel retınde poliseiler Nūrqanattyń tuysyna messendjer arqyly jazǧan hatyn jariia ettı.
"Sot-medisinalyq saraptamanyń aldyn ala boljamy boĭynşa, 9 jeltoqsanda Talǧardyń şetınde tabylǧan 30 jastaǧy er adamnyń mäĭıtı özın-özı asu arqyly mehanikalyq asfiksiia nätijesınde bolǧanyn körsettı. Denesınde zorlyq-zombylyq sipattaǧy belgıler joq. Sarapşylarmen anyqtalǧan dene jaraqattary, mysaly, stranguliasiialyq jäne moĭynnyń abraziialary asylǧan jıptı qoldanǧan kezınde paĭda bolatyn jaraqattarǧa säĭkes keletının körsettı. Barlyq belgıler suisidtı körsetedı, moĭynyndaǧy zaqymdanu sipaty mūndaĭ jaǧdaĭlarǧa tän", - delıngen habarlamada.
