Ózbekstannan Qazaqstanǵa jumys izdep kelgen eńbek mıgranttarynyń sany artýda, dep habarlaıdy "Adyrna" ulttyq portaly Gazeta.uz basylymyna silteme jasap.
2024 jyldyń basynda Qazaqstanda 196,8 myń Ózbekstan azamaty jumys istese, 2025 jyldyń basynda olardyń sany 322,7 myńǵa jetken.
Agenttik málimetteri boıynsha, Ózbekstannyń mıgranttary Reseıde jumys isteýge qyzyǵýshylyq tanytpaı qalǵan. 2024 jyldyń basynda Reseıde eńbek mıgranttarynyń sany 1,2 mıllıonnan 698 myńǵa deıin azaıǵan. Degenmen, Reseı áli de Ózbekstannan kelgen mıgranttar sany boıynsha kósh basynda tur. Qazaqstannan keıin Túrkııa. Biraq ondaǵy kórsetkishter 119,8 myńnan 88,7 myńǵa deıin tómendegen.
Qazir shetelde 1,35 mıllıon ózbekstandyq jumys istep júr. Bul ótken jyldyń osy kezeńimen salystyrǵanda 34 paıyzǵa az.
Mıgranttardyń óz elderine oralý tendenııasy da baıqalýda. 2024 jyldyń qazan aıyna deıin Ózbekstanǵa 115 myń eńbek mıgranty qaıtyp oralǵan. Jyl sońyna deıin taǵy 250-300 myń adam elge oralady dep kútilýde.
2024 jyly uıymdasqan túrde shetelde jumysqa 161,8 myń ózbekstandyq jiberilgen. Bul 2022 jylǵy kórsetkishten 4 ese artyq. Sonymen qatar, uıymdasqan jumysqa qabyldaý geografııasy keńeıip, Horvatııa, Belgııa, Slovakııa, Serbııa, Chernogorııa men Qatar elderinde 10 myńǵa jýyq adam jumysqa ornalasqan.
Ózbekstanda 2024 jyly 122 jumys berýshimen 36 elde kelisimder jasalyp, 62,3 myń azamat kásibı daıarlyq pen til úırenýge qatysqan.
