20 qańtarda Túrkistan oblysynyń Túlkibas aýdanynda birneshe júk vagony relsten shyǵyp ketti. Bul týraly polıııa basqarmasynyń baspasóz qyzmeti rastady, dep habarlaıdy “Adyrna” ulttyq portaly OTYRAR-ǵa silteme jasap.
Oqıǵa saldarynan zardap shekkender men qaza tapqandar joq. Qalǵan poıyzdar shtattyq rejımde jumysyn jalǵastyryp jatyr.
«Basqa aqparat jarııalaýǵa jatpaıdy. Qalpyna keltirý jumystary júrgizilip jatyr. Qurbandar men zardap shekkender joq», - dep habarlady kóliktegi polıııa basqarmasynyń baspasóz qyzmeti ókilderi.
Oqıǵa ornynda Shymkent stansasyndaǵy jelilik polıııa bóliminiń qyzmetkerleri jumys istep jatyr. Qylmystyq is aıasynda Qazaqstan Respýblıkasy Qylmystyq kodeksiniń 344-babynyń 1-bóligi – jol qozǵalysy nemese temirjol kóligin paıdalaný qaýipsizdigi erejelerin buzý boıynsha tergeý amaldary júrgizilip jatyr.
