Atyraýda tárbıeshi balabaqshada balany tepkeni úshin jumystan shyǵaryldy, dep habarlaıdy "Adyrna" ulttyq portaly AtyrauPress-ke silteme jasap.
Áleýmettik jelilerde áıeldiń ul balany aıaǵymen tepken sáti túsirilgen beınejazba paıda boldy.
Oqıǵa "Zeınep-Ámına" jeke balabaqshasynda bolǵan. Beınejazba avtorynyń aıtýynsha, bul balabaqshada mundaı jaǵdaı birinshi ret bolyp otyrǵan joq.
Mekeme basshylyǵynyń aıtýynsha, tártip buzýshylyq anyqtalǵannan keıin tárbıeshi eńbek zańnamasyna sáıkes dereý jumystan shyǵarylǵan.
Qazirgi ýaqytta quqyq qorǵaý organdary bolǵan oqıǵanyń barlyq mán-jaıyn anyqtaý úshin tekserý júrgizip jatyr.
