Búgin oblys ákimi Nurlybek Nálibaev Qyzylorda qalasyndaǵy 600 oryndyq mekteptiń ashylý rásimine qatysty. Bilim oshaǵy «Jaıly mektep» ulttyq jobasymen salynǵan.
Oǵan oblystyq máslıhat tóraǵasy Murat Tileýimbetov, ardagerler keńesiniń tóraǵasy Serik Dúısenbaev, qoǵamdyq keńes tóraǵasy Árip Hojbanov, zııaly qaýym ókilderi men jaýapty sala basshylary jáne qala turǵyndary qatysty.
Aımaq basshysy jınalǵan jurtshylyqty eńseli de sáýletti mekteptiń ashylýymen quttyqtap, izgi tilegin jetkizdi.
«Prezıdentimiz «Orta bilimniń sapasy – tabysty ult bolýdyń taǵy bir mańyzdy sharty. Árbir oqýshynyń bilim alyp, jan-jaqty damýy úshin qolaıly jaǵdaı jasalýǵa tıis. Sol úshin «Jaıly mektep» ulttyq jobasy qolǵa alyndy» degen bolatyn.
Jańa mektepterdiń ashylýy – bul jaı ǵanaǵımarattardyń salynýy emes, jańa dáýirde bilim alatyn oqýshylarǵa jańa múmkindikter syılaý. Memleket basshysynyń bastamasymen júzege asqan «Jaıly mektep» ulttyq jobasy aıasynda óńirde 6 900 orynǵa arnalǵan 10 mektep salý josparlanyp, onyń alǵashqy 900 oqýshyǵa arnalǵan mektebin ótken jyldyńqazan aıynda sol jaǵalaýdan tabystadyq.Osy aıdyń basynda Jańaqorǵan aýdanynyń Jańaryq aýylynda jáne Aral qalasynda 300 oryndyq 2 jaıly mektep ashyldy. Bul arqyly Jańaryq aýylyndaǵy beıimdelgen ǵımaratta ornalasqan, Aral qalasyndaǵy úsh aýysymdy oqytýǵa kóshýi múmkin mektepterdegi oryn tapshylyǵy máselesi sheshimin tapty.
Búgin mine, «Samuryq-Qazyna» akıonerlik qoǵamynyń úılestirýimen júzege asqan, quny 4 mlrd 732 mln teńge bolatyn 600 oryndyq «Jaıly mektepti» shákirtter men ustazdarıgiligine beremiz. Jańa nysandy salý arqylybeıimdelgen ǵımaratta ornalasqan Ábý Qudabaev atyndaǵy №197 orta mekteptiń máselesin sheshtik. Qurylys bastalǵaly beri balalarymyzǵa qala ishindegi basqa mektepte oqýyna týra keldi. Urpaq ıgiligine baǵyttalǵanortaq iste túsinistik tanytqan barsha ata-analarǵa alǵysymyzdy bildiremiz. Jasampaz isterdiń jarshysy bolatyn jetkinshekterimizendi qolaıly ári qaýipsiz, zamanaýı jabdyqtalǵan, keń de jaıly mektepte bilim alatyn bolady. Búgin tabystalǵan jańa bilim ǵımaratynan aldyńǵy býynnyń izgi jolyn jalǵaǵan bilimdi, talantty shákirtter shyǵatynyna senimimiz mol. Sanasy sergek, oıy ushqyr, básekege qabiletti oqýshylarymyz kóp bolǵaı», – dedi aımaq basshysy.
Saltanatty is- sharada bilim salasynyń ardageri, QR Bilim berý isiniń úzdigi, Qyzylorda qalasynyń Qurmetti azamaty Altynsary Shúrenov jıylǵan jurtshylyqty quttyqtady. Eńbek ardageri, Qyzylorda oblysynyń Qurmetti azamaty, Qazaqstan Respýblıkasynyń eńbek sińirgen qaıratkeri, «Qurmet» ordeniniń ıegeri Qorǵanbek Qaırollauly batasyn berdi. Sondaı-aq, aımaqtyń áleýmettik-ekonomıkalyq damýyna úles qosqan azamattar men qurylys mekemesiniń mamandary marapattaldy.
Aıta keteıik, 2024 jyly bilim salasyna bólingen qarjy 264 mlrd teńgege, aldyńǵy jylmen salystyrǵanda 9,3 paıyzǵa ulǵaıdy. Salanyń bıylǵy bıýdjeti 308 mlrd 134 mln teńge, bul ótken jylmen salystyrǵanda 16,9 paıyzǵa arttyq.
Byltyr aımaqta 6 mektep, 5 mektepke qosymsha ǵımarat salynyp, iske qosyldy.Nátıjesinde Aral aýdany Toqabaı aýylyndaǵy №248, Shıeli kentindegi №252 jáne Janseıit aýylyndaǵy №133 apatty mektepterdiń máselesi sheshildi.
«QazGermunaı» kompanııasynyń demeýshiligimen Qyzylorda qalasynda zamanaýı úlgidegi «Oqýshylar saraıy»,Jańaqorǵan aýdanynda «Oqýshylar úıi» men «Óner mektebi» el ıgiligine tabystaldy.
Balalar men jasóspirimderdiń shyǵarmashylyǵyn shyńdaý maqsatynda oblys ortalyǵynan «Shyǵarmashylyq akademııasy»,daryndy balalarǵa arnalǵan fızıka-matematıka mektep-ınternaty, «Saýts Oıl» kompanııasynyń demeýshiligimen mýzykalyq kolledjdiń jańa ǵımaraty boı kóterýde. Jyl ishinde Shıeli aýdanynda da «Oqýshylar úıi»men «Óner mektebi» jumysyn bastaıdy.
Bıyl «Bilim berý ınfraqurylymyn qoldaý qory» esebinen Aral aýdanynyń Jalańash aýylynan 150 oryndyq mektep salynady.Byltyr 8 mektep ǵımaratyna kúrdeli jóndeý júrgizildi. Memleket basshysynyń 1300 mektepti kúrdeli jóndeý tapsyrmasyna sáıkes 3 jyl ishinde oblystaǵy 51 mektep, bıyl sonyń 9-y kúrdeli jóndeýden ótedi.
