Májilis depýtaty Serik Erýbaev sýyq mezgilde kólikti 5 mınýttan artyq qyzdyrǵany úshin salynatyn aıyppuldarǵa qatysty normany qaıta qaraý qajettigin aıtty. Bul týraly ol Ishki ister mınıstri Erjan Sadenovke joldaǵan depýtattyq saýalynda málimdedi.
Depýtattyń aıtýynsha, qoldanystaǵy aıyppul normalary kólik júrgizýshileri men kásipkerlerge qıyndyq týdyryp otyr.
"Bul aıyppul shaǵyn dúkenderge taýarlardy túsirý nemese tıeý kezinde úlken másele týǵyzady, ásirese, aýa temperatýrasy mınýs 20 gradýstan tómen bolǵan jaǵdaıda. Mundaı kezde qozǵaltqyshty óshirý tıimsiz", – dedi ol.
Serik Erýbaev ortalyq jáne soltústik óńirlerdiń klımattyq erekshelikterin eskere otyryp, 5 mınýttyq shekteýdi qaıta qaraýdy jáne zııandy qaldyqtardy azaıtýdyń balama, ádiletti joldaryn qarastyrýdy usyndy.
Sonymen qatar, depýtat Ekaterına Smyshlıaeva bul normanyń 60 jyldan astam ýaqyt boıy qoldanysta ekenin eske salyp, qazirgi nrmada quqyqtyq anyqsyzdyq bar ekenin atap ótti. Onyń aıtýynsha, aıyppul salý úshin naqty erejeler men talaptardy belgileý qajet.
Depýtattar jaýapkershilikke tartý tártibin naqtylaý, qolaısyzdyq túsinigin aıqyndaý jáne shaǵymnyń negizdilik talaptaryn bekitý qajettigin alǵa tartty.
Eske sala keteıik, buǵan deıin kólikti bes mınýttan artyq qyzdyrǵandarǵa 19 myń teńge aıyppul salynatyny týraly jazǵan edik.
