Týrızm jáne sport mınıstri Erbol Myrzabosynov sportshylardyń dinshildigine baılanysty suraqqa jaýap berdi, dep habarlaıdy “Adyrna” ulttyq portaly.
Úkimette ótken baspasóz máslıhatynda jýrnalıster mınıstrge «Álem chempıonaty men Olımpıda oıyndarynda sportshylar jeńiske jetse nemese jeńilip qalsa «Allanyń qalaýymen jeńdim» nemese «Alanyń qalaýymen jeńildim» dep aıtyp jatady. Sportshylardyń dinshildigine baılanysty áleýmettik jelide teris pikirler jazylady. Sizdiń sportshylardyń dinshildigine baılanysty kózqarasyń qalaı?» degen suraq qoıyldy.
«Din máselesi boıynsha arnaıy jol kartasy ázirlengen. Sonyń aıasynda jumys atqaryp jatyrmyz. Búgingi tańda arnaıy uıymdardan mamandar tartyp, sportshylarmen júıeli jumys istep jatyrmyz. Ár federaııa júıeli jumys atqaryp jatyr jáne óz quramasyna jaýapty», – deıdi mınıstr.
