Mońǵolııa astanasy Ulan-Batyr qalasynda 11 qańtar kúni úkimetke qarsy mıtıng ótti, dep habarlaıdy "Adyrna" ulttyq portaly News.mn saıtyna silteme jasap.
Sherýge qatysýshylar Mońǵolııa úkimetin tútinmen, jumyssyzdyqpen jáne basqa da máselelermen kúresýge qabiletsiz dep aıyptap, otstavkaǵa ketýdi talap etýde.
Narazylyq bildirýshiler toby memlekettik saraıdyń aldynda, Shyńǵyshan músini mańynda sherý ótkizip jatyr. Keıde olar saraıdy basyp alýǵa tyryssa, qaýipsizdik kúshteri bul shabýyldardy birneshe ret toıtaryp, qorǵaýdy jalǵastyrýda - dep jazdy News.mn monǵol jańalyqtar saıty.
Ulan-Batyrda narazylyq saldarynan qalanyń ortalyq dańǵyly jabylyp, 15 avtobýs toqtatylǵan. Qoǵamdyq kólik qyzmetiniń buzylýyna baılanysty jergilikti turǵyndar qalalyq kólik basqarmasyna shaǵymdanýda.
Narazylyq akııasynyń bastamashysy ári uıymdastyrýshysy – «Erkindik alıansy» partııasy. Partııa ókilderiniń pikirinshe, úkimet tútin, keptelis, kedeılik, jemqorlyq, salyqtar jáne jumyssyzdyq sııaqty máselelerdi sheshe almaıdy. Sondyqtan úkimetti otstavkaǵa ketýi kerek dep sanaıdy. Osyǵan baılanysty «Erkindik alıansy» partııasy parlamenttiń 33 múshesine tıisti hat jibergen.
Sherýge qatysýshylar qazirgi úkimetpen eshqandaı keńes, kezdesý nemese kelissózder ótkizbeıtinin jáne eshqandaı túsiniktemelerdi qabyldamaıtynyn málimdedi.
Elde polıııa qyzmetkerleri kúsheıtilgen rejımde jumys jasaýda. Olar narazylyq bildirýshilerdi zańdar men demonstraııalardy ótkizý erejelerin saqtaýǵa shaqyrdy.
Saıt málimetinshe, narazylyq bildirýshiler arasynda alkogoldi ishimdik ishken adamdar da bar.
