Abai oblysynda «Auyldyq densaulyq saqtaudy jaŋǧyrtu» ūlttyq jobasy aiasynda auyldyq jerlerde 62 medisinalyq-sanitarlyq alǧaşqy kömek körsetu nysandarynyŋ qūrylysy aiaqtaldy. Qazırgı uaqytta medisinalyq ūiymdardyŋ balansyna beru prosesı jürgızılude. Biyl taǧy ekı nysan aiaqtalady. Sonymen qatar, «Auyl – el besıgı» baǧdarlamasy aiasynda Ürjar audany Ürjar auylynda kündızgı stasionarmen 50 adam qabyldaityn därıgerlık ambulatoriia salu jobasy ıske asyryluda.
Densaulyq saqtau basqarmasynyŋ basşysy Talǧat Moldabekov auyldyq jerlerde kadr tapşylyǧy baǧytynda da belsendı jūmys jürgızılıp jatqanyn atap öttı.
«Biyl kadr tapşylyǧy mäselesın şeşu üşın 8,5 mln teŋge kölemınde bırjolǧy köterme järdemaqy böludı qarastyru josparlanuda. Bız 2025 jyly äleumettık qoldau şaralary qoldanylatyn asa tapşy mamandyqtardyŋ tızbesın anyqtau boiynşa jūmysty jalǧastyramyz. Kadrlardy daiarlauǧa da erekşe köŋıl bölınude. Jergılıktı biudjet qarajaty esebınen
oblystan 80 maman 2024 jyly şetelde oqudan öttı. Olardyŋ ışınde Resei, Germaniia jäne Äzırbaijannyŋ jetekşı medisinalyq mekemelerınde taǧylymdamadan ötken audan ortalyqtarynan 15 medisina qyzmetkerı bar. Būl baǧdarlama bılıktılıktı arttyruǧa jäne auyl medisinasynyŋ jūmysyna zamanaui täsılderdı engızuge baǧyttalǧan» - dep atap öttı basqarma basşysy.
Auyl tūrǧyndaryna medisinalyq kömektıŋ qoljetımdılıgın arttyru üşın oblysta 173 eldı mekendı qamtityn 9 jyljymaly medisinalyq keşen jūmys ısteidı. 2024 jyly 64 435 tūrǧyn medisinalyq kömek aldy.
Auyldyq jerlerde medisinalyq kömektı damytudyŋ negızgı baǧyttarynyŋ bırı – materialdyq-tehnikalyq bazany jaŋartu. 2024 jyly 1,3 mlrd teŋgeden astam somaǧa 200 medisinalyq tehnika satyp alyndy. 2025 jylǧa 1,2 mlrd teŋgege taǧy 182 bırlık tehnika satyp alu josparlanuda.
Ūqsas jaŋalyqtar
