Qaraǵandy oblysy Memleket basshysynyń bastamasymen jarııalanǵan Jumysshy mamandyqtar jyly aıasynda jańa deńgeıge kóterilýde. Óńirde 300 myńǵa jýyq jumysshy maman eńbek etedi, bul oblystyń ekonomıkalyq áleýetin aıqyndaıtyn mańyzdy kórsetkish.
Álibek Áldeneıdiń sózinshe, óńirde barlyǵy 52 kolledj jumys isteıdi. Qazirgi tańda bul oqý oryndary segiz negizgi baǵyt boıynsha kásibı maman daıarlaýǵa beıimdelýde. Atap aıtsaq, bilim berý, qurylys, energetıka, IT jáne baılanys, taý-ken ónerkásibi, jeńil ónerkásip, mashına jasaý jáne aýyl sharýashylyǵy salalary qamtylǵan.
Sonymen qatar, Temirtaý men Qaraǵandydaǵy eki polıtehnıkalyq kolledjdi halyqaralyq akkredıtteýden ótkizý josparda bar. Bul stýdentterge álemdik standarttarǵa saı bilim alyp, kásibı biliktilikti jetildirýge múmkindik beredi.
Bıyl kolledjderge arnalǵan granttar sany 1100-ge artty, al stýdentter sany 9200-ge jetti. Oqý baǵdarlamalaryna kásiporyndardaǵy praktıkalyq sabaqtar men sheberlik synyptary engizilýde. Bul stýdentterdiń teorııalyq bilimderin óndiristik tájirıbemen ushtastyrýyna yqpal etedi.
Memleket qoldaýy jumysshy mamandyqtardy damytýda úlken ról atqarýda. Aımaqtaǵy kásibı kadrlar el ekonomıkasynyń damýyna eleýli úles qosyp, ulttyq ekonomıkanyń tiregine aınalmaq. «Eńbek túbi – bereke» degen qaǵıda osy bastamalardyń basty ustanymy bolmaq.
