Elordaǵa jaqyn ornalasqan Qoıandy aýylynda 2000 oryndyq jańa mektep ashylyp, oqýshylar alǵashqy ret partaǵa otyrdy. Bul mektep aýyldaǵy eki bilim ordasynyń júktemesin azaıtyp, sabaqqa Astanaǵa baryp júrgen oqýshylardy ózine tartý úshin salynǵan. Mektep aımaqtaǵy eń úlken bilim berý mekemesi bolyp tabylady.
Ata-analar men oqýshylardyń aıtýynsha, bul mektepte bilim alýshylardyń ýaqytyn tıimdi ótkizip, jan-jaqty damýyna barlyq jaǵdaı jasalǵan. Tórt qabatty zamanaýı ǵımaratta oqý kabınetteri, zerthanalar, tórt sport zaly, akt zaly, ashana jáne oqý zaly bar kitaphana qarastyrylǵan. Árbir blokta kovorkıng aımaqtary jasaqtalǵan, sondaı-aq erekshe bilim berýdi qajet etetin oqýshylar úshin arnaıy jaǵdaılar jasalǵan.
Bul jańa mektep aýyl balalaryna sapaly bilim men qosymsha múmkindikter usynýǵa baǵyttalǵan.
