Kalıfornııa shtatynyń Los-Andjeles qalasynda oryn alǵan orman órtteri saldarynan qaza tapqandar sany bes adamǵa jetti, dep habarlaıdy “Adyrna” ulttyq portaly.
Los-Andjeles okrýginiń sherıfi Robert Lýnanyń málimdeýinshe, órt áli tolyq sóndirilmegendikten, qurbandar sany artýy múmkin. Qurǵaq aýa raıy men qatty jel jaǵdaıdy odan ári qıyndatýda.
Qazirgi ýaqytta Los-Andjeles aımaǵynda bes orman órti belsendi túrde jalǵasýda. Evakýaııa aımaqtarynda 150 myńǵa jýyq adam turady. Eń iri órt Santa-Monıka men Malıbý arasyndaǵy Pasıfık-Palıseıds aımaǵynda tirkelip, onyń aýmaǵy 60 sharshy shaqyrymnan asty. Los-Andjeles okrýgi órt sóndirý bóliminiń bastyǵy Entonı Marroneniń aıtýynsha, órt kem degende 1000 qurylymdy joıǵan.
Malıbý aýdanynda kóptegen tanymal tulǵalardyń úıleri ornalasqan. Aktrısa jáne ánshi Perıs Hıltonnyń jaǵajaıdaǵy úıleriniń biri tolyǵymen órtenip ketkeni habarlandy. Bul aqparatty Hıltonnyń ózi rastady. Sonymen qatar, Los-Andjelestiń basqa da tanymal turǵyndarynyń úıleri órtten zardap shekkeni týraly málimetter bar.
Beısenbige qaraǵan túni bılik Los-Andjelestiń eń tanymal aýdandarynyń biri – Gollıvýd belgisi ornalasqan Gollıvýd tóbeshigi aımaǵynda taǵy bir órt shyqqanyn habarlady.
AQSh-tyń federaldy avıaııa basqarmasy órt aımaǵyna ushýǵa tyıym saldy, atap aıtqanda, ataqty Palıseıds aýdany men Malıbý jaǵajaıynda ornalasqan Gollıvýd belesine barýǵa ruqsat joq.
Órt sóndirý qyzmetteri jalyndy aýyzdyqtaý úshin bar kúshin salýda, alaıda aýa raıynyń qolaısyzdyǵy men jeldiń kúsheıýi jumysty qıyndatýda. Turǵyndarǵa qaýipsizdik sharalaryn saqtaý jáne evakýaııalaý nusqaýlaryn oryndaý usynylady.
