Qaraǵandy oblysynyń Qarqaraly aýdanyndaǵy aýyldardyń birinde meshit órtke orandy, dep habarlaıdy "Adyrna" ulttyq portaly.
"Pervyı Karagandınskıı" telearnasynyń málimetinshe, Tomar aýylynda oryn alǵan oqıǵa saldarynan jergilikti meshit ǵımaraty tolyǵymen janyp ketken.
Órt keshe keshki ýaqytta, ǵımarat bos kezde bolǵan.
"Ot ǵımaratty tez sharpydy, al qoıý tútin alystan kórindi", - delingen materıalda.
Jergilikti turǵyndar órt sóndirýshiler kelgenge deıin jalyndy sóndirýge tyrysqanymen, olardyń kúshi jetkiliksiz bolǵan.
Órttiń shyǵý sebepteri anyqtalýda.
