Endi kólikti bes mınýttan artyq qyzdyrǵandarǵa 39 myń teńge aıyppul salynady, dep habarlaıdy “Adyrna” ulttyq portaly SMARTNEWS.KZ basylymyna siltep.
Aqparat boıynsha, Qazaqstanda jol qozǵalysy erejeleri tek jyldamdyqty shekteýdi ǵana emes, ekologııaǵa nazar aýdarýdy da talap etedi.
Uzaq ýaqyt kólikti jylytý janarmaı shyǵynyn arttyryp qana qoımaı, atmosferaǵa zııandy zattardyń, sonyń ishinde kómirtek totyǵynyń bólinýine sebep bolady. Osyǵan baılanysty, Qazaqstanda turǵyn úılerdiń janynda jumys istep turǵan qozǵaltqyshpen kólikti 5 mınýttan artyq toqtatyp qoıýǵa tyıym salynǵan.
Vedomstvoda atap ótkendeı, QR Jol qozǵalysy erejesiniń (JQE) 5 bóliminiń 88 tarmaqshasyna sáıkes «eldi mekenderde qozǵaltqyshy jumys isteıtin mehanıkalyq kólik quraldarynyń turaǵyna, eger bul turǵyndarǵa qolaısyzdyq týǵyzsa, tyıym salynady» dep kórsetilgen.
Erejeni buzǵany úshin: – Alǵashqy rette – 5 aılyq eseptik kórsetkish (AEK), ıaǵnı 19 660 teńge kóleminde aıyppul salynady;
–Qaıtalanǵan jaǵdaıda – 10 AEK nemese 39 320 teńge aıyppul tóleý kerek.
Aıyppul salý úshin memlekettik tirkeý nómiri, quqyqbuzýshylyq jasalǵan ýaqyt pen kúni kórsetilgen 5 mınýttan astam beınejazba qajet.
Jol qozǵalysy erejeleriniń 2-bóliminiń 9-tarmaǵyna sáıkes, kólik júrgizýshisi qaýipsizdik beldigin taǵýǵa, sondaı-aq qaýipsizdik beldigin taqpaǵan jolaýshylardy tasymaldamaýǵa mindetti. Bul talapty oryndamaǵan jaǵdaıda 5 AEK kóleminde aıyppul (19 660 teńge) qarastyrylǵan.
Kólikti jylytý nemese qaýipsizdik beldigin taqpaý sııaqty usaq quqyqbuzýshylyqtar eleýsiz bolyp kóringenimen, aıtarlyqtaı qarjylyq shyǵyndarǵa ákelýi múmkin.
