AnewsZ telearnasy ótken jyldyń jeltoqsan aıynda Qazaqstannyń Aqtaý qalasyna jaqyn mańda apatqa ushyraǵan “Ázerbaıjan Áýe joldary” (AZAL) ushaǵynyń eksklıýzıvti sýretterin jarııalady, dep habarlaıdy “Adyrna” ulttyq portaly media.az-ǵa siltep.
Sýretterden ushaqtyk ishki jáne syrtqy bólikterindegi zaqymdalǵanyn anyq kórýge bolady. Ásirese, soqqydan qalǵan izder aıqyn baıqalady.
BAQ-tyń habarlaýynsha apattyń bastapqyda aıtylǵan sebepterin, atap aıtqanda, qustarmen soqtyǵysý nemese gaz ballonynyń jarylýy týraly boljamdardy joqqa shyǵarýy múmkin.
Ázerbaıjan úkimeti usynǵan aldyn ala málimetterge sáıkes, tergeý barysynda ushaqtyń Reseıdiń «Panır-S» áýe qorǵanys júıesinen ushyrylǵan zymyranmen Groznyıǵa jaqyn mańda atylǵany anyqtaldy. Buǵan deıin Ázerbaıjannyń ıfrlyq damý jáne kólik mınıstri Rashad Nabıev apattyń syrtqy áserden bolǵanyn rastaǵan edi, biraq zymyran túrin naqtylaý tergeý nátıjesinde anyqtalatynyn málimdedi.
Ázerbaıjan prezıdenti Ilham Álıev ushaqtyń Reseı aýmaǵynda áýe qorǵanysy júıesi arqyly qatelikpen atylǵanyn aıtty. Ol kináni tolyq moıyndaýdy, kinálilerdi jazalaýdy jáne jábirlenýshiler men olardyń otbasylaryna ótemaqy tóleýdi talap etti.
Qazirgi ýaqytta tergeý jalǵasýda.
