Ońtústik Koreıa soty 14 jeltoqsanda parlamentte ımpıchment jarııalaý nátıjesinde ókilettigi toqtatylǵan Koreıa Respýblıkasynyń prezıdenti Iýn Sok Ioldy qamaýǵa alýǵa jáne tintý júrgizýge order berdi. Bul týraly joǵary laýazymdy tulǵalarǵa qatysty Sybaılas jemqorlyqqa qarsy tergeý basqarmasy málimdedi, dep habarlaıdy “Adyrna” ulttyq portaly.
Aqparatqa sáıkes, order bir aptaǵa, ıaǵnı kelesi dúısenbige deıin jaramdy. Ustalǵannan keıin Iýn Sok Iol Seýldegi tergeý ızolıatoryna ornalastyrylýy múmkin.
Qamaýǵa alýdyń qashan júzege asyrylatyny týraly sheshim áli qabyldanbaǵan. Iýn qamaýǵa alynǵannan keıin 48 saǵat ishinde odan ári jaýap alý úshin ony qamaýǵa alý týraly sankııa berý nemese bosatý týraly sheshim qabyldanýy kerek.
Iýnnyń qorǵaý toby dereý baspasóz málimdemesin taratyp, qamaýǵa alý orderin qabyldaı almaıtyndaryn aıtyp, ony "zańsyz jáne jaramsyz" dep atady, óıtkeni ol tıimdi ıýrısdıkııasy joq tergeý agenttiginiń suraýy boıynsha shyǵarylǵan.
Basylym Iýnnyń qylmystyq qýdalaýdan prezıdenttik ımmýnıteti bolsa da, zań boıynsha bul artyqshylyq búlikshi nemese memleketke opasyzdyq jasady degen aıyptarǵa taralmaıtynyn atap ótti.
Oppozıııa baqylaıtyn Ulttyq jınalys 14 jeltoqsanda oǵan alty saǵatqa sozylǵan áskerı jaǵdaı engizgeni úshin ımpıchment jarııalaý týraly daýys bergennen keıin Iýn Sok Iol qyzmetinen bosatylǵan bolatyn.
