Atyraýda jedel járdem qyzmetkerleri áıeldi úıinde bosandyryp, egiz qyzdyń ómirin saqtap qaldy, dep habarlaıdy “Adyrna” ulttyq portaly.
Aqparatqa sáıkes, Atyraýda jedel járdem qyzmetine bosanǵaly jatqan júkti áıelden shaqyrtý túsken. №9 brıgada shuǵyl túrde onyń úıine jetken.
Jedel járdem feldsheri Elvıra Karımovanyń aıtýynsha, brıgada tekserýge kelgende áıel bosanyp jatqan. Sondyqtan feldsherler dereý iske kirisken.
«Birden áıeldi bosandyra bastadym. Aldymen qyz dúnıege keldi, men balanyń kindigin keskende, bosanǵan áıel onyń egizi bar ekenin aıtty. Qatty abdyradym, sebebi 11 jyldyq tájirıbemde birinshi ret osyndaı jaǵdaı boldy»,-deıdi Elvıra Karımova.
Olar áıeldi aman-esen bosandyryp alǵan. Jedel járdem egiz balalaryn qushaǵyna alǵan anasyn dereý oblystyq perzenthanaǵa alyp barǵan.
