Álıevpen telefon arqyly sóıleskende ol sóz arasynda: "Men bolǵan oqıǵanyń Reseı aspanynda bolǵany úshin keshirim ótinemin. Qaza bolǵandarǵa kóńil aıtamyn. Jaraqat alǵandar tezirek saýyǵyp ketsin" - depti. Endi osyny taldaıyq.
"Bolǵan oqıǵa Reseı aspanynda bolǵany úshin..." Oqıǵa bir ózimen-ózi bola qalǵandaı-aq. Bul keshirim suraýǵa jatpaıdy, bul Ázirbaıjan memleketi úshin osylaı deı otyryp ázirbaıjan qoǵamyn tynyshtandyrý úshin aıtylǵan kezekti kezekshi frazasy ǵana. Jáne sol boıda: biz qaıteıik, ýkraın drondary ǵoı shabýyl jasaǵan, biz sodan qorǵanýǵa májbúr boldyq degendeı qylǵan. Iaǵnı Ýkraınaǵa japqan.
Keshirim olaı suralmaıdy. Biz baıqaýsyzda atyp aldyq dep turǵan joq. Al basqa bos turǵan áýejaılarǵa nege qondyrmaǵan degen suraq jaýapsyz qaldy. Ýkraındardyń qyrsyǵynan biz barlyq áýejaılardy jabýǵa májbúr boldyq deıdi. Apattyq jaǵdaıda kele jatqan ushaqty qondyrmaý, ony teńiz arqyly Aqtaýǵa joldaý qylmys izin jasyrý ekendigin búkil álem baspasózi jazyp jatyr, sony bile tura Pýtınniń bulaısha máımóńkeleýi onyń shyn bet-beınesin kórsetedi.
Menińshe, osymen bári aıaqtalady, eshqandaı kompensaııa týraly áńgime bolýy da múmkin emes. Endigi mindet - bárin de, barlyq vıdeo, ushqyshtardyń dıspetchermen sóıleskenderi, qara jáshikter, t.s.s. senimdi jerde saqtalýy kerek. Ázirge Pýtın Kobzonǵa ketip jaǵdaı ózgergenshe. Áıtpese FSB olardyń saqtalǵan jerin bilse jaryp jiberýden de taıynbas.
Al bizdiń úkimet... Komıssııa kelip qaraıdy dep jatyr ǵoı, sál shydaıyq, kúteıik. Ne der eken?
Qýanysh Edilhanov
