Eks-prezıdent Nursultan Nazarbaevtyń baspasóz hatshysy Aıdos Úkibaı Qazaqstannyń burynǵy birinshi hanymy Sara Nazarbaevanyń “qaıtys bolǵany” týraly aqparatty joqqa shyǵardy, dep habarlaıdy “Adyrna” ulttyq portaly.
«Otandyq BAQ jýrnalısteriniń Sara Alpysqyzyna qatysty saýalyna jaýap bere otyryp, jelide taraǵan onyń qaıtys bolǵany týraly aqparattyń shyndyqqa janaspaıtynyn málimdegim keledi», - dep jazdy Aıdos Úkibaı óziniń X áleýmettik jelisindegi paraqshasynda.
83 jastaǵy Sara Nazarbaevanyń qaıtys bolǵany týraly aqparat bir kún buryn paıda bolǵan edi.
Eske salaıyq, byltyr Sara Nazarbaeva resmı kúıeýiniń famılııasynan shyqqany týraly aqparat taraǵan bolatyn.
«Nursultan Nazarbaev pen Sara Nazarbaevanyń nekesi buzylǵany (jáne sáıkesinshe jańa otbasyn qurý týraly) týraly resmı málimdemeler eshqashan bolǵan emes. Al Nursultan Nazarbaev qorynyń resmı saıttarynda jáne tuńǵysh prezıdenttiń nazarbayev.kz resmı saıtynda Sara Alpysqyzy áli kúnge deıin tuńǵysh prezıdenttiń jubaıy ekeni týraly aqparat kórsetilgen. Alaıda birneshe jyldan beri jańalyqtardan Sara Nazarbaeva týraly eshqandaı aqparat shyqqan joq. Onyń kórinbeı ketkenine de biraz boldy. Byltyrdan beri Bilim mınıstrligi onyń «Ózin-ózi taný» pánin mindetti mektep baǵdarlamasynan alyp tastap, fakýltatıv retinde qaldyrǵan bolatyn. Ózin áıelder isteri jáne otbasylyq-demografııalyq saıasat jónindegi komıssııanyń quramynan shyǵaryp jibergen. Bıznes-tizilimderge sáıkes, elimizdiń eks-Birinshi hanymynyń «Sara Alpysqyzy Nazarbaeva» atty jeke kásipkerligi bar. Al onyń basshysy Qonaqaı Sara Alpysqyzy dep kórsetilgen», - delingen Shishkin_like Telegram arnasy taratqan habarlamada.
Qazaqstan Halyq Bankiniń ómirdi saqtandyrý boıynsha enshiles uıymy «Halyk-Life» AQ fılıalynda 2012 jylǵy 4 aqpannan bastap Qarjy mınıstrliginiń qarjylyq eseptilik depozıtarııinde ol Qonaqaeva bolyp tirkelgen.
Al 2005 jyly kúıeý balasy Tımýr Qulybaev basqarǵan «Almex Holding Group» AQ-nyń 2005 jylǵy 19 qyrkúıektegi enshiles uıymdarynyń tiziminde ol Nazarbaeva bolyp kórsetilgen. «Bóbek» qaıyrymdylyq qorynyń negizin qalaýshynyń Instagram jelisindegi paraqshasy 2018 jyldyń 15 sáýirinen beri jańartylmaǵan, ol jerde onyń famılııasy Nazarbaeva dep jazylǵan.
Nazarbaevtyń resmı áıeli ata-tegin 2005 jáne 2012 jyldar aralyǵynda almastyrdy degen de derek te kezdesti.
Sonymen qatar, Nursultan Nazarbaev beıresmı ekinshi áıeli Ásel Qurmanbaeva degen qaýesetti rastap, «Meniń ómirim» atty ómirbaıan kitabynda jazǵan bolatyn.
“Neke musylmannyń ádet-ǵurpymen qıylyp, bul nekeden eki ul dúnıege keldi,"- dep jazady Nazarbaev óz esteliginde.
