Semeıde qalalyq jańa jyldyq shyrshany bezendirý kezinde bıikten qulap, zardap shekken mektep muǵalimi Qýat Aıtqalıevtiń jaǵdaıy týraly áıeli málimdedi, dep habarlaıdy “Adyrna” ulttyq portaly.
Qýat Aıtqalıevtiń áıeli Symbat Aıanqyzy kúıeýiniń reanımaııada eki kún bolǵanyn habarlady. Aıtýynsha, ol qazir esin jıdy, biraq áli de aýyr jaǵdaıda.
«Bas dáriger mıda kishkentaı gematoma paıda bolǵanyn aıtty. Alaıda, jaǵdaı óte aýyr jáne áli eshqandaı boljam joq. Olar eshteńe aıta almaıdy deıdi. Men onymen sóılestim. Ol eki kún reanımaııada boldy, qazir esin jınady, bárin túsinedi, biraq qıyn suraq qoısań, oǵan birden jaýap berý qıyn. Dárigerler jaǵdaıynyń jaqsarýy nemese nasharlaýy boljaı alamaıdy. Operaııa jasaldy, mıdan gematoma alynyp tastaldy,sondaı-aq bas súıeginiń bir bóligi de alynyp tastaldy. Úsh aıdan keıin oǵan ımplant qoıylady», dedi Symbat Aıanqyzy.
Symbattyń aıtýynsha, kúıeýi qatysqan jumystar onyń kásibı quzyretine kirmeıdi. Degenmen, mektep basshylyǵy ony qalalyq shyrshany bezendirýge jiberdi.
«Eshqandaı resmı qujattar, buıryqtar bolǵan joq. Dırektor bar dedi, ol bardy. Olar muǵalimder óz erkimen bardy deıdi, biraq bul ótirik. Olar dırektordyń buıryǵymen jiberildi. Eshkim tólem nemese ótemaqy tóleýge ýáde bergen joq. Bul ákimdiktiń shyrshasy jáne oǵan 30 mln teńge bólindi. Biraq mundaı tapsyrmalardy oryndaý úshin muǵalimder jiberiledi. Bul jaı ǵana adam taǵdyrymen oınaý», deıdi áıel
Sondaı-aq neırohırýrg Rashıd Ishmýhametov, bolashaqta muǵalimge taǵy bir ota jasalatynyn aıtty.
«Munda bas súıeginiń aqaýy bar. Ota kezinde tiri qalý múmkindigin arttyrý úshin, gematoma ornalasqan súıek bóligin alyp tastadyq. Eki-úsh aıdan keıin plastıkalyq ota jasalyp, bas súıegindegi aqaý aýystyrylady. Biraq bul josparly proedýra. Bul, árıne, ota, biraq densaýlyqqa qaýip tóndiretindeı úlken táýekelsiz. Áıtpese, bul mysaly, qurysý nemese turaqty aýyrsynýdyń sebebi bolýy múmkin. Sonymen qatar, bas súıeginiń bir bóligi joq bolýy kezdeısoq jaraqat alý qaýpin týdyrady», dep atap ótti dáriger.
Symbat Aıanqyzy kúıeýiniń 10 jyldan beri muǵalim bolyp jumys istep kele jatqanyn aıtty. Erli - zaıyptylar bir balany tárbıelep otyr.
