2025 jyly aıyppul men járdemaqy kólemi ósedi, dep habarlaıdy “Adyrna” ulttyq portaly.
1 aılyq eseptik kórsetkish 3 932 teńge bolady. Jańa jyldan bastap áleýmettik tólemdermen qatar aıyppul mólsheri de ulǵaıatyny málim boldy.
Endi kólik basqarý kezinde telefon arqyly sóılesken ne belbeý taqpaǵan júrgizýshige 5 aılyq eseptik kórsetkish kóleminde aıyppul salynady. Bul soma kelesi jyly shamamen 20 myń teńge teń. Al, túngi onnan keıin kóshe kezgen balalardyń ata-analary 12 myń teńgege jýyq aıyppul tóleýge mindetti.
Al zeınetaqynyń eń tómengi mólsheri 62 771 teńgeni quramaq. Bala kútimi úshin úlestiriletin aı saıynǵy járdemaqy 21 265 teńgeden 22 648 teńgege artady.
Resmı málimdemede, eń tómengi kúnkóris deńgeıi 46 228 teńgege ulǵaıǵany kórsetilgen.
Sondaı-aq qoǵamdyq orynda túkirgen nemese belgilenbegen jerge qoqys tastap, quqyq buzǵan adam da osy 19 myń teńgeni tóleıdi.
Al muǵalimdi ne dáriger mamandardy balaǵattaǵan kisi 39 000 teńge aıyppul arqalaıdy.
