Qytaıdan Ózbekstanǵa Qazaqstandy aınalyp ótetin jańa temirjol baǵytynyń qurylysy jeltoqsan aıynda bastalady, dep habarlaıdy "Adyrna" ulttyq portaly QazTAG agentigine silteme jasap.
«Qytaı – Qyrǵyzstan – Ózbekstan» temirjol qurylysy jobasy ondaǵan jyldar boıy qaǵaz betinde ǵana qalyp keldi. Endi iske asady. Biz bul jobany bastaǵanda, kóptegen adam senbedi, tipti ony ertegi dep mazaq etti. Endi bári onyń ertegi emes, naqty joba ekenin kórip otyr. 27 jeltoqsanda resmı qurylys jumystary bastalady», — dedi Japarov juma kúni qyrǵyz halqyna jasaǵan úndeýinde.
Onyń aıtýynsha, bul jol Shyǵys pen Batysty baılanystyratyn strategııalyq kópirge aınalyp, saýda, týrızm jáne ónerkásip úshin jańa múmkindikter ashady.
«Qytaımen shekaradaǵy «Bedel» ótkizý beketiniń ashylýy eldiń tranzıttik áleýetin arttyryp, júk jáne jolaýshylar aǵynyn jyldamdatady. Bıznes úshin jańa múmkindikter jasap, negizgi seriktestermen saýda baılanystaryn nyǵaıtady. Bul strategııalyq mańyzdy nysan Qyrǵyzstannyń kólik ınfraqurylymyn damytý jáne jahandyq ekonomıkaǵa ıntegraııalaý jolyndaǵy pragmatıkalyq tásildiń sımvoly bolmaq. Sonymen qatar, Qyrǵyzstandy halyqaralyq kólik habyna aınaldyrý jolyndaǵy taǵy bir qadam bolyp tabylady», — dep málimdedi Japarov.
Qazirgi ýaqytta Qytaıdan Ózbekstanǵa temirjol júkteriniń negizgi marshrýty Qazaqstan arqyly ótedi. Júkter Qytaıdyń iri qalalarynan jóneltilip, Qytaı men Qazaqstan shekarasyndaǵy Alashankoý – Dostyq nemese Horgos – Altynkól ótkizý beketterinen ótedi. Odan ári Qazaqstan aýmaǵy arqyly Almaty, Aqtoǵaı nemese Túrkistan sııaqty negizgi toraptardan ótip, Qazaqstannyń ońtústik óńirleri arqyly Saryaǵash – Tashkent sııaqty ótkelderimen Ózbekstanǵa jetkiziledi.
