Biz Birgemiz qoǵamdyq qaıyrymdylyq qorynyń teń quryltaıshysy jáne basshysy Perızat Qaırattyń anasy Ǵaını Alashbaeva da qyzymen birge kúdikke ilindi, dep habarlaıdy "Adyrna" ulttyq portaly Ulysmedıaǵa silteme jasap.
Bul týraly aqparatty jýrnalıst Mıhaıl Kozachkov taratty.
Tergeý organdarynyń málimetinshe, anasy qyzyna qaıyrymdylyq qory arqyly jınalǵan aqshany qolma-qol aqshaǵa aınaldyrýǵa kómektesken.
Buǵan deıin «Kýrsıv» basylymy Perızattyń áleýmettik jelilerde arab elderine et jetkizetin kompanııasy bar ekenin jazǵanyn habarlaǵan. Alaıda, tergeý derekterine sáıkes, anasynyń atynda etke baılanysty kompanııa tirkelmegen.
Ulysmedıa agenttigi bul aqparat boıynsha Qarjy monıtorıngine joldaǵan saýaldaryna «biz bul aqparatty resmı túrde bergen joqpyz» degen jaýap alǵanyn málimdedi.
Eske sala keteıik, sý tasqyny kezinde halyqty kómekke shaqyryp, qarjy jınaǵan Perızat Qaırat "qarjy jymqyrdy" degen kúdikke ilingen edi. Qarjylyq monıtorıng agentigi Perızat Qaıratty 1,5 mıllıard teńge urlaǵan bolýy múmkin ekenin habarlaǵan bolatyn.
16 qarasha kúni Astana qalasynyń tergeý sotynyń baspasóz qyzmeti Perızat Qaırattyń eki aıǵa qamaýǵa alynǵanyn málimdedi. Keıinnen Qarjylyq monıtorıng agenttigi Perızat Qaıratqa qatysty tergeý barysynda tárkilengen dúnıe-múlik týraly aqparattardy jarııa etti.
