2024 jylǵy 18 jeltoqsanda «Qazaqmys korporaııasy» JShS basqarma tóraǵasy kenishterdiń brıgadırlerimen kezdesti, dep habarlaıdy “Adyrna” ulttyq portaly.
Tóraǵa Nurahmet Nýrıev Jezqazǵan óndiristik alańyndaǵy kenishterdiń brıgadırlerimen kezdesti. Jıynǵa Jezqazǵan qalasynyń ákimi Qaırat Shaıjanov pen Sátbaev qalasynyń ákimi Murat Bóribaev ta qatysqan.
Kezdesý barysynda jumyskerler tarapynan kóterilgen talaptar jan-jaqty talqylandy. Jıyn nátıjesinde, jumyskerlerdiń suranysy boıynsha «13-shi jalaqyǵa» 30% ústemeaqy qosý týraly sheshim qabyldandy.
Sonymen qatar, 2025 jyldyń 1 qańtarynan bastap jalaqyny kóterý boıynsha eki nusqa usynylǵan.
Iaǵnı, jalaqy mólsherin qosymsha 8,5%-ǵa ulǵaıtý, óndiristik jospardy oryndaǵany úshin 50 AEK kóleminde toqsandyq syıaqy berý usynylǵan. Bul toqsan saıyn 196 myń teńgeni quraıdy.
Al ekinshi usynys - jalaqyy 15,6%-ǵa ındeksteý.
Nurahmet Nýrıev jalaqynyń kúrt jáne negizsiz ósýi keıbir kenishterdiń básekege qabilettiligin joǵaltyp, jumys oryndarynyń jabylýyna ákelýi múmkin ekenin atap ótti. Osyny eskere otyryp, jumysshylarǵa usynylǵan sheshimder túsindirilýde.
2024 jylǵy 19 jeltoqsan, saǵat 09:00-degi jaǵdaı boıynsha kelissózder jalǵasady.
Aıta keteıik, "Qazaqmys" korporaııasy Jezqazǵantústimetal óndiristik birlestigine kiretin Ońtústik-Jezqazǵan jáne Jylandy ken oryndary jumysshylarynyń talaptaryna jaýap bergeni týraly jazǵan edik.
