Reseı Sýdannyń Qyzyl teńiz jaǵalaýynda óz áskerı-teńiz bazasyn ornalastyrmaq boldy. Alaıda el ımperııanyń bul usynysynan bas tartqan, dep habarlaıdy "Adyrna" ulttyq portaly.
The Moscow Times basylymynyń málimetinshe, Máskeý bul maqsatqa jetý úshin Sýdan bıligine zamanaýı S-400 zenıtti-zymyran keshenin usynǵan. Alaıda bul usynys AQSh pen Batys elderiniń teris reakııasynan qaýiptengendikten qabyldanbaǵan.
Sýdan men Reseı arasynda qarý-jaraq pen munaı ónimderin jetkizý jóninde kelisimder jasalǵan. 2023 jyldyń sáýirinen qazan aıyna deıin Reseı Sýdanǵa 2,8 mıllıon barrel dızel men benzın eksporttaǵan, bul Sýdannyń jalpy ımport kóleminiń shamamen jartysyn quraıdy.
Sýdan bıligine qoldaý kórsetkenimen, Máskeý ázirge elde turaqty áskerı-teńiz bazasyn ornalastyra almady. Reseıdiń Sýdanda áskerı baza qurý týraly kelissózderi 2019 jyldan beri júrgizilýde, biraq eldegi azamattyq soǵys saldarynan bul josparlar júzege aspaı qalǵany aıtyldy.
Sýdannyń azamattyq soǵysy 2023 jyldyń sáýir aıynda bastaldy. Elde bılik úshin kúres Sýdan armııasy men Jyldam áreket etý kúshteri arasynda júrip jatyr. Qaqtyǵys kezinde on myńdaǵan adam qaza taýyp, 11 mıllıonnan astam turǵyn úılerin tastap ketýge májbúr boldy.
Reseı Sýdan armııasymen baılanys ornatý arqyly elge qarý satý jáne Qyzyl teńizde áskerı-teńiz bazasyn qurý múmkindigin kózdeıdi. Sarapshylardyń pikirinshe, Reseıdiń Afrıkada bazasyn ornalastyrýy Sýe kanaly arqyly ótetin mańyzdy saýda joldaryn baqylaýǵa múmkindik beredi.
Sırııadaǵy azamattyq soǵys pen Bashar Asad rejıminiń álsireýi Reseıdiń bul aımaqtaǵy áskerı bazalarynyń bolashaǵyna kúmán týdyrady. Tartýs pen Hmeımım bazalary oppozıııa baqylaýyndaǵy aımaqta ornalasqanymen, qazirgi ýaqytta olardyń jumysyna qaýip tónip turǵan joq.
