Sońǵy jyldary «qańǵybas» janýarlar máselesi bizdiń qoǵamda ózekti máselege aınaldy. Taldyqorǵan qalasyndaǵy Nazarbaev Zııatkerlik mektebiniń oqýshylary mekteptiń «Úmit baspanasy» áleýmettik jobasy aıasynda akııa uıymdastyryp, osy máseleni sheshýge óz úlesterin qosýdy uıǵardy.
Bul bastama ıesiz ıtterge kómektesip qana qoımaı, oqýshylardy, muǵalimderdi jáne mektep qaýymdastyǵyn biriktirdi.
Taldyqorǵan NIS qabyrǵasynda "Úmit baspanasy» áleýmettik jobasy toǵyz jyl boıy júzege asyrylyp keledi, ol úısiz úı janýarlaryn tamaqtandyrýǵa baǵyttalǵan. Qazirgi ýaqytta jas eriktiler «Zooklýb» zooqorǵaýshylardyń qoǵamdyq birlestigimen yntymaqtasady, onda mysyqtar men ıtterge ıelerin tabýǵa, tamaqtandyrýǵa, úıshikter salýǵa, kútim jasaýǵa kómektesedi.
Bul joly «Dosyńdy tamaqtandyr» akııasy Fenıks veterınarlyq klınıkasynda janýarlardyń taǵdyryna nazar aýdarýdyń jáne olarǵa qystyń sýyq mezgilinde kómektesýdiń tásili retinde oılastyryldy.
Biz plakattar jasadyq, áleýmettik jelilerde aqparat tarattyq jáne akııanyń mańyzdylyǵy týraly jetkizý úshin synyptarmen kezdesýler uıymdastyrdyq. Nátıjesinde, birneshe apta ishinde klınıkaǵa berilgen jemniń edáýir mólsherin jınaýǵa múmkindik týdy, - deıdi joba belsendisi Denıs Drozdov, 10-synyp oqýshysy.
Bizdiń akııa ıesiz qalǵan ıtterge kómektesip qana qoımaı, búkil qaýymdastyq úshin mańyzdy oqıǵa boldy. Ol qańǵybas janýarlar máselesine nazar aýdardy jáne basqa adamdardy da osyndaı bastamalarǵa qatysýǵa shabyttandyrdy dep oılaımyn. Janýarlarǵa qamqorlyq jasaý — bul árqaısymyzdyń jaýapkershiligimiz, - dep bólisti 10-synyp oqýshysy Arlan Toqtahmet.
