Quqyq qorǵaý uıymdary Sırııadaǵy jappaı qabirlerde 100 myńnan astam adamnyń denesi bolýy múmkin ekenin málimdedi, dep habarlaıdy "Adyrna" ulttyq portaly ABC News-ke silteme jasap.
AQSh-ta ornalasqan sırııalyq quqyq qorǵaý uıymy – Sırııalyq tótenshe jaǵdaılar boıynsha jedel toptyń jetekshisi Mýaz Mustafa Damasktan soltústikke qaraı 40 shaqyrym jerde ornalasqan «úlken» qabirde 100 myńnan astam adamnyń denesi bar ekenin málimdedi.
Mustafanyń aıtýynsha, El-Kýtaıfa aýmaǵyndaǵy qabirler – Damask mańyndaǵy jerleý oryndary – tereńdigi 6-7 metr, eni 3-4 metr, al uzyndyǵy 50-150 metr bolatyn «alyp orlardan» turady. Bul qabirlerde erler, áıelder, balalar jáne qarttardyń deneleri bolǵan.
Kýtaıfa jerleý orny áskerı baqylaýda bolǵan aýmaqta ornalasqan, azamattyq kólikterdiń júrýine tyıym salynǵan.
Búginge deıin Damask aınalasynda árqaısysynyń tereńdigi 20 metrge deıin jetetin júzdegen jappaı qabir tabyldy. Ondaǵy deneler birneshe qabat etip kómilgen.
Bashar Asad rejıminiń qulaýy kóterilisshiler men jergilikti turǵyndardyń ataqty túrmelerdi bosatýyna ákeldi. Qazirgi tańda 100 myńnan astam adam iz-túzsiz joǵalǵandar qatarynda.
Kóterilisshiler basqaratyn Sırııanyń ótpeli úkimeti, úkimettik emes uıymdar men qutqarýshylar 2011 jyldan beri Sırııada iz-túzsiz joǵalǵan adamdardyń deneleri tabylýy múmkin keń aýqymdy túrme jáne jappaı jerleý oryndarynyń jelisin ashýda.
«Haııat Tahrır ash-Sham» kóterilisshiler tobynyń jetekshisi Idlıbten ońtústikke qaraı Damaskqa baǵyttalǵan shabýyldan keıin bergen málimdemesinde, Asad bıligi kezinde adam quqyqtaryn buzý isine qatysy barlardyń barlyǵy jaýapqa tartylatynyn aıtty.
Dúısenbi kúni Sırııadan qashyp shyqqannan keıingi alǵashqy málimdemesinde Bashar Asad óz rejıminiń qulaýyna «terrorısterdiń shabýylyn» kinálady.
Asad azamattyq soǵys bastalǵan 2011 jyldan beri adam quqyqtarynyń buzylýyna qatysty oppozıııa men Batys elderiniń aıyptaýlaryna túsinikteme bergen joq.
