Máskeýde general Igor Kırıllov pen onyń kómekshisi qaza tapqan jarylysty Ýkraına óz moınyna aldy. Bul týraly Ýkraına qaýipsizdik qyzmeti málimdedi, dep habarlaıdy “Adyrna” ulttyq portaly.
"Búgin Reseı Qarýly Kúshteriniń radıaııalyq, hımııalyq jáne bıologııalyq qorǵanys áskerleriniń basshysy general-leıtenant Igor Kırıllovqa jasalǵan shabýyl – ÝQQ-dyń arnaıy operaııasy", – delingen Ýkraına qaýipsizdik qyzmetiniń málimdemesinde.
Sondaı-aq, BILD basylymynyń habarlaýynsha, Kırıllov "tolyǵymen zańdy nysana"retinde atalǵan.
"Kırıllov – áskerı qylmysker jáne tolyǵymen zańdy nysana, óıtkeni ol ýkraın áskerine qarsy tyıym salynǵan hımııalyq qarýdy qoldanýǵa buıryq bergen. Mundaı uıatty ólim ýkraındyqtardy óltirgenderdiń barlyǵyn kútýde. Áskerı qylmystar úshin jazalaý sózsiz bolady", – dep málimdedi SBÝ ókilderi.
Eske sala ketsek, Máskeýdegi Rıazan dańǵylyndaǵy turǵyn úıdiń janynda jarylys bolyp, eki adam qaza tapqan. Onyń biri - general Igor Kırıllov. Aqparat boıynsha, tańerteń Rıazansk prospektisinde bolǵan jarylystyń sebebi retinde samokattyń rýline bekitilgen jarylǵysh qurylǵy kúdiktelýde. Sarapshylar jarylys jerden shamamen bir metr bıiktikte bolǵanyn, bul samokattyń rýliniń ornalasýyna sáıkes keletinin aıtady. Jarylys tolqyny jaqyn mańdaǵy páterlerdiń terezelerin syndyryp, jarylys tańǵy saǵat 6-da tirkelgen.
Aqparat resmı túrde áli rastalǵan joq.
