Qazaqstan Respýblıkasy Parlamenti Májilisiniń depýtaty Samat Nurtaza Qazaqstannyń burynǵy prezıdenti Nursultan Nazarbaev pen Reseı prezıdentiniń kezdesýine alańdaýshylyq bildirdi, dep habarlaıdy "Adyrna" ulttyq portaly QazTAG-qa siltep.
Bul týraly ol óz Facebook paraqshasynda jazdy.
Depýtattyń aıtýynsha, mundaı kezdesýler onyń ishki alańdaýshylyǵyn týdyrady, jáne bul kezdesý 2021 jyly Sankt-Peterbýrgte ótken Nazarbaev pen Pýtınniń sońǵy kezdesýimen salystyrylýy múmkin, ol kezde keıinnen Qazaqstandaǵy «Qańtar oqıǵalary» oryn alǵan edi. Samat Nurtaza óziniń jazbasynda:
«Eger shyndyqty aıtatyn bolsaq, meni osyndaı kezdesýler ishki alańdaýshylyqqa toltyrady. Birden 2021 jylǵy Peterbýrgtegi kezdesýden keıingi «Qańtar oqıǵalary» esime túsedi. Menińshe, ár adam óz jumysyna jaýapty bolyp, qazirgi kezdegi ornyndaǵy mindetin oryndaýy tıis», — dep jazǵan.
Májilismen sondaı-aq, basqa elderdegi burynǵy prezıdentterdiń saıasattan qol úzip, tek óz ómirlerimen aınalysqanyn mysalǵa keltirdi.
«Men Shýshkevıch nemese Kýchma sııaqty burynǵy prezıdentterdiń basqa eldermen kezdeskenin kórgen joqpyn. Shevardnadze men Aqaev te saıasatta eshqashan kóringen joq. Nege bizdiń eks-prezıdent únemi saıasatqa aralasýy kerek? Nelikten ol Máskeýge jyl saıyn ushyp barady? Álde bul ádet pe? Sovet odaǵy kezinen qalǵan daǵdy ma? Kremlden maquldaý alý kerek bolǵan shyǵar? Eger ol jaı ǵana týrıst retinde ushyp baryp kelse, eshkim eshteńe aıtpaıtyn bolar edi. Biraq, ol birden áýejaıdan shyǵyp, Novo-Ogorevoda, Pýtınmen kezdesýge barady. Bul alańdatady. Ashyq aıtqanda, men eshqandaı daǵdarys pen dúrbeleńdi qalamaımyn», — dep óz alańdaýshylyǵyn bildirdi.
Depýtat sondaı-aq, halyq arasynda túrli qaýesetterdiń taralyp jatqanyna nazar aýdaryp, Reseıge jasaǵan sapardan keıin bul qaýesetterdiń qaıta kúsheıip ketýi múmkin ekenin aıtty. Onyń pikirinshe, mundaı jaǵdaı qoǵamnyń, sondaı-aq el basshylyǵynyń ishki birligine jáne turaqtylyǵyna keri áserin tıgizýi múmkin.
Esterińizge sala keteıik, 13 jeltoqsan kúni Kreml Nursultan Nazarbaev pen Vladımır Pýtınniń Reseıdegi prezıdenttik rezıdenııada kezdesý ótkizgenin habarlady.
