Ulytaý oblysynyń ákimi Dastan Ryspekov Memleket jáne qoǵam qaıratkeri Álıhan Muhamedııauly Báımenovke «Ulytaý oblysynyń qurmetti azamaty» ataǵyn tabys etti.
«Siz tek oblys tóńireginde ǵana emes, búkil respýblıkaǵa jáne shetelge tanymal tulǵasyz. Biz ózińizdi jerlesimiz retinde maqtan tutamyz jáne ózińizge qarap boı túzedik. Memleketke jáne halyq ıgiligine sińirgen eńbek jolyńyzben kópke úlgi bolyp júre berińiz»,-dedi óńir basshysy óz quttyqtaýynda.
Sondaı-aq jıynda oblys ákimi bar ǵumyryn memlekettik qyzmetke arnaǵan birqatar jerlesimizge vedomstvolyq marapattar tabys etti. Atap aıtar bolsaq, «Memlekettik qyzmet ardageri» nagradasy Valentın Kýprııanovqa, «Qarjy qyzmetiniń úzdigi» tósbelgisi - 40 jyldan astam qarjy salasynda qyzmet etip zeınetke shyqqan Saılaýkúl Amanjolovaǵa, Ulytaý aýdanynyń qarjy salasynda 27 jyldyq tájirıbesi bar, búgingi tańda qarjy bólimin basqaryp kele jatqan Tasbolat Shaıhınge berildi.
Aıta keteıik, 2022-2023 jyldary óńirdiń aıtýly 10 tulǵasyna «Ulytaý oblysynyń qurmetti azamaty» ataǵy berilgen. Komıssııa sheshimimen bıyl Respýblıka kúnine arnalǵan saltanatty jıynda taǵy bes jerlesimizdiń esimi erekshe atalǵan bolatyn. Álıhan Muhamedııauly Báımenovtiń belgili sebeptermen rásimge qatysa almaýyna baılanysty búgin tabys etildi.
