Qazaqstannyń eks-prezıdenti 13 jeltoqsan kúni Reseı prezıdenti Vladımır Pýtın Novo-Ogarevoda kezdesý ótkizip, syrtqy saıasatty talqylady, dep habarlaıdy "Adyrna" ulttyq portaly.
Bul týraly 14 jeltoqsanda Kremldiń resmı saıtynda habarlandy.
«Novo-Ogarevoda Reseı Prezıdenti Vladımır Pýtın Qazaqstannyń Tuńǵysh Prezıdenti Nursultan Nazarbaevpen kezdesý ótkizdi», – delingen habarlamada.
Izvestııa málimetinshe, kezdesý barysynda talqylanǵan máseleler týraly tolyq málimet berilmegen.
Nursultan Nazarbaevtyń resmı saıtynda bul kezdesý týraly aqparat joq.
Aıta keteıik, 2023 jyldyń 16 jeltoqsanynda eks-prezıdent Nazarbaev Máskeýge barǵan. Keıinnen Máskeý qalasynda Reseı prezıdenti Vladımır Pýtın men Qazaqstannyń burynǵy basshysy Nursultan Nazarbaev jabyq kezdesý ótkizgen bolatyn.
Al 2022 jyly eks-prezıdent Nazarbaev prezıdent Pýtınmen kezdesken soń:
"Men týraly kóptegen BAQ betterinde jarııalanǵan aqparattarǵa keler bolsaq, 2019 jyly Prezıdent ókilettigin Qasym-Jomart Toqaevqa tapsyrdym. Sodan beri men zeınetkermin", - dep málimdegen.
Eske sala keteıik, Reseı prezıdenti Vladımır Pýtınniń resmı kestesinde Sırııanyń burynǵy prezıdentimen kezdesý joq ekeni, sol sebepti ol Bashar Asadty qabyldamaǵany habarlanǵan bolatyn.
