Premer-mınıstr Oljas Bektenov Máskeýde ótken Eýrazııalyq úkimetaralyq keńes otyrysyna qatysty. Bul týraly úkimettiń baspasóz qyzmeti málimdedi, dep habarlaıdy “Adyrna” ulttyq portaly.
Aıta keteıik, búgin Oljas Bektenovtiń týǵan kúni. Ol 1980 jyly 13 jeltoqsanda dúnıe kelgen. Premer-mınıstr 44 jasqa tolyp jatyr.
Bektenov otyrysta EAEO-nyń kólik-logıstıkalyq negizi men baılanysyn nyǵaıtýǵa ári damytýǵa erekshe nazar aýdardy.
"Soltústik – Ońtústik" dáliziniń ótkizý qabiletin jylyna 10 mln tonnadan 20 mln tonnaǵa deıin arttyrý josparlanyp otyr. Temirjol salasyn damytýdyń 2029 jylǵa deıingi tujyrymdamasy sheńberinde túıisý pýnktteri damıtyn jáne temirjol jelileriniń qurylysy júzege asyrylady. Osylaısha, biz tranzıttik tasymal kólemin 28 mln tonnadan 45 mln tonnaǵa deıin ulǵaıtýdy, 5 myń shaqyrymǵa jýyq jańa jáne ekinshi temir joldar tóseýdi kózdep otyrmyz", — dep atap ótti Oljas Bektenov.
Búginde Qytaıdan Eýropaǵa tranzıt kólemin ulǵaıtý úshin "Dostyq – Moıynty" ýchaskesinde temir joldar salý jumystary jalǵasýda. Jobany iske asyrý ótkizý qabiletin 5 esege, al tasymaldaý jyldamdyǵyn 2 esege – táýligine 1,5 myń shaqyrymǵa deıin arttyrýǵa múmkindik beredi. Premer-mınıstr Odaqtyń ınfraqurylymdyq basym jobalaryn iske asyrý jónindegi jumysty jandandyrý qajettigin atap ótti.
Ónerkásip kooperaııasyn nyǵaıtý úshin birlesken jobalarǵa qarjylaı kómek kórsetý tetigi qoldanylady. Oljas Bektenov Odaqtyń basym mindeti – bıznesti qoldaý quraldary men qolda bar múmkindikteri týraly aqparattandyrý boıynsha jumysty kúsheıtý bolýy tıis ekenine toqtaldy. Búgingi tańda kooperaııa úshin perspektıvaly baǵyttar – joǵary tehnologııalyq dárilik zattar men medıınalyq maqsattaǵy buıymdar óndirý bolýy múmkin. Ónimderdiń osy túrlerin shyǵarýdy arttyrý úshinshi elderden mundaı taýarlar ımportyn azaıtýǵa yqpal etedi.
Ónimdilikti arttyrý maqsatynda AÓK-te joǵary tehnologııalardy engizý usynylyp otyr. Oljas Bektenov qazirgi tańda elimizde "ıfrly" fermalar belsendi damyp kele jatqanyn, eginshilik pen mal sharýashylyǵynda "aqyldy" júıeler qoldanylatynyn aıtty.
Eýrazııa damý bankiniń taldaýyna sáıkes, EAEO-ǵa qatysýshy elderdiń aýyl sharýashylyǵy áleýetin iske asyrý shamamen 600 mln adamnyń azyq-túlikke degen qajettiligin qamtamasyz etýge múmkindik beredi.
