Oŋtüstık Koreia prezidentı Iýn Sok Iol soŋǧy teleündeuınde ötken aptada jariialanǧan äskeri jaǧdai şeşımınıŋ dūrys bolǧanyn mälımdedı jäne oǧan qarsy köterılıs aiyptaryn joqqa şyǧardy, dep habarlaidy "Adyrna" ūlttyq portaly.
Prezident öz sözınde būl şeşımnıŋ memleket qauıpsızdıgı men memlekettık ısterdıŋ qalypty jūmysyn qamtamasyz etu üşın qabyldanǧanyn aitty. Ol būl şeşımdı «tereŋ oilastyrylǧan saiasi qadam» dep sipattady.
Iýn Sok Iol otstavkaǧa ketu turaly şaqyrulardy qabyldamaitynyn jäne soŋyna deiın küresuge daiyn ekenın jetkızıp, oppozisiiany «impichmentpen saiasi oiyn oinady» dep aiyptady.
«Maǧan impichment jariialansa da, tergeu jürgızılse de, men būǧan adal türde qarsy tūramyn», – dedı ol Yonhap agenttıgıne bergen mälımdemesınde.Prezidenttıŋ mälımdemesı aldynda bileuşı «Halyq küşı» partiiasynyŋ jetekşısı Han Don Hun impichmenttı qoldaitynyn aitty. Būǧan deiın ol būl şaraǧa qarsy bolǧan edı. Demalys künderı parlament impichment jariialai almady, öitkenı bileuşı partiia dauys beruden bas tartty. Aldaǧy dauys beru senbı künı ötedı. Han Don Hun baspasöz mäslihatynda: «Bız odan ärı tüsınıspeuşılıkterdı toqtatuymyz kerek. Qazır tiımdı bır ǧana jol bar. Kelesı dauys beru kezınde partiia müşelerı zalǧa kırıp, özderınıŋ senımderı men ar-ūjdandaryna süiene otyryp, şeşım qabyldauy tiıs», – dedı. Ol impichmenttı qoldaitynyn aşyq aitty. Būl uaqytta Seul köşelerınde narazylyq bıldıruşıler prezidenttıŋ otstavkaǧa ketuın talap etude. Prezidenttıŋ elden şyǧuyna tyiym salynǧan, al ötken aptadaǧy oqiǧalarǧa qatysty bırneşe vedomstvo jürgızıp jatqan tergeu qarqyndy jürıp jatyr. Särsenbı künı polisiia prezidenttıŋ keŋsesın tıntuge tyrysqan, bıraq küzet olardy kırgızbegen. Keiınırek keŋse şekteulı qūjattardy öz erkımen tapsyrdy.