Búgin qazaq halqynyń áıgili palýany, aqyny, ánshi-sazgeri jáne qoǵam qaıratkeri Balýan Sholaqtyń týǵanyna 160 jyl toldy.
Balýan Sholaq atymen belgili Nurmaǵanbet Baımyrzauly óziniń dene kúshimen, ónerimen ári otarshyldyqqa qarsy kúresimen tanymal bolǵan.
Onyń esimin halyq balýandyq ónerine súısinip, ári jas kúninde saýsaǵyn úsitip alýyna baılanysty «Balýan Sholaq» dep atap ketken.
Balýan Sholaq «Ayly-aıyryq», «Balýan Sholaq», «Jeldirme», «Dikildek», «Kókshetaý», «Qosalqa», «Qos baraban», «Qos perne», «Qulan kisines», «Kenje qońyr», sııaqty ánderdiń avtory. Onyń halyq arasyna keńinen taraǵan ánderi – «Ǵalııa» men «Sentıabr». «Ǵalııa» názik sezim dúnıesin, móldir mahabbatty sheberlikpen syrshyl áýende jyrlaǵan ǵashyqtyq lırıkasy.
Mýzyka zertteýshisi A.V.Zataevıch el arasynan Balýan Sholaqtyń birneshe ándin jazyp alyp, ony «Qazaq halqynyń 1000 áni» jáne «Qazaqtyń 500 áni men kúıi» jınaqtaryna engizedi.
San ónerimen halqyn rıza etip, ólkesin sazdy áýenimen terbetken, zamanynyń aıtýly sal-serisiniń biri bolǵan Balýan Sholaq Baımyrzauly 1916 jyly qaıtys bolǵan.
