7 jeltoqsan kúni Parıjdegi Notr-Dam shirkeýi 2019 jyldyń sáýir aıynda bolǵan úlken órttiń saldarynan bes jyldyq qalpyna keltirýden keıin qaıta ashyldy, dep habarlaıdy "Adyrna" ulttyq portaly DW-ge silteme jasap.
Bul oqıǵaǵa arnalǵan saltanatty sharaǵa qatysý úshin Franııa astanasyna 40-tan astam memleket jáne úkimet basshylary keldi. Olardyń arasynda Germanııa prezıdenti Frank-Valter Shtaınmaıer, AQSh-tyń saılanǵan prezıdenti Donald Tramp jáne onyń saılaý naýqanyndaǵy serigi Ilon Mask, Ulybrıtanııanyń hanzadasy Ýılıam jáne Ýkraına prezıdenti Vladımır Zelenskıı boldy.
Sonymen qatar saltanatty sharaǵa din qaıratkerleri men qalpyna keltirý jumystaryna qarjylaı kómek kórsetkender de shaqyryldy. Shirkeýdiń qaıtadan senýshilerdi qabyldaýǵa daıyn ekendigin Parıjdiń arhıepıskopy Loran Iýlrısh habarlady. Buǵan deıin ol esikterdi taıaǵymen soqqan edi.
Notr-Damnyń qaıta ashylýyna arnalǵan merekeler 7 jáne 8 jeltoqsandaǵy demalys kúnderi jalǵasty. Ashylý saltanatynyń translıaııasyn 20-dan astam eldiń telearnalary kórsetti.
7 jeltoqsandaǵy keshki baǵdarlamada órtten keıingi oqıǵalardy baıandaıtyn fılm kórsetilip, qutqarýshylar men shirkeýdi qalpyna keltirýshi qurylysshylarǵa qurmet kórsetildi. Qolaısyz aýa raıyna baılanysty barlyq qoıylymdar ǵımarattyń ishine kóshirildi.
2019 jyly órtpen kúresip, onyń saldaryn joıǵan órt sóndirýshiler men qutqarýshylardy, sondaı-aq qurylysshylardy ashylý saltanatynda túregep turyp qoshemetpen qarsy aldy.
Franııa prezıdenti Emmanýel Makron Notr-Dam shirkeýiniń ashylý saltanatynda sóz sóılep, franýz halqyna alǵysyn bildirdi.
«Eki kún buryn úkimet taratylǵandyqtan Notr-Damnyń ashylýynda sóz sóıleý Makron úshin mańyzdy múmkindik boldy. Franııa Prezıdenti bul kúndi osylaı elestetpegen sııaqty. Bastapqyda Notr-Damdy Olımpıada oıyndary kezinde ashý josparlanǵan edi, biraq bul oryndalmady. Al úkimet joqta órinis tipti kóńilsiz bolyp tur»- dep jazdy RFI.
Shirkeýdiń ashylýynan keıingi alǵashqy dinı rásim 19:45 te, Emmanýel Makronnyń sózinen keıin bastalyp, 45 mınýtqa sozyldy.
Rım Papasy Franısk sharaǵa qatysqan joq, Biraq shirkeýdiń basshysy Olıve Rıbado Dıýma brıfınginde habarlaǵandaı, ol Parıj arhıepıskopyna "franýz halqyna arnalǵan" habarlama jibergen.
"Bul keremet shirkeýdiń qaıta jandanýy Franııadaǵy shirkeýdiń qaıta órleýiniń belgisi bolsyn", - dep jazylǵan bul habarlamada.
