Almaty qalasynyń Tótenshe jaǵdaılar departamenti 8 jeltoqsanda aýa raıynyń kúrt nasharlaıtynyn eskertti. Mamandardyń aıtýynsha, qalada qar jaýyp, tuman túsip, kóktaıǵaq bolýy múmkin, dep habarlaıdy "Adyrna" ulttyq portaly.
Jaıaý júrginshilerge kóktaıǵaqta abaı bolyp, taıǵanaý qaýpin eskerý.
Kólik júrgizýshilerine jyldamdyqty azaıtyp, araqashyqtyqty saqtaý, tejegishti kúrt baspaý jáne qaýipti aımaqtardan aýlaq júrý usynylady. Aǵashtardyń, elektr jelileriniń jáne basqa da bekitilmegen qurylymdardyń astyna kólikterdi qoımaý qajet.
Qalanyń kommýnaldyq qyzmetteri aýa raıynyń nasharlaýyna daıyndyqty kúsheıtse, turǵyndarǵa jolǵa shyǵý aldynda aýa raıy boljamyn tekserý usynylady.
"Jaýyn-shashyn týraly eskertý negizinde avtokólik ıelerine aǵashtardyń, elektr jelileriniń jáne basqa da bekitilmegen qurylymdardyń astyna avtokólikterdi qoımaýǵa keńes beredi", - delingen TJM habarlamasynda.
