Ánshi Maqpal Júnisova jýrnalıst Dına Tólepbergenge bergen suhbatynda Zamanbek Nurqadilovtiń qyzy ony pyshaqtap ketkeni týraly aqparat aıtty, dep habarlaıdy "Adyrna" ulttyq portaly "DinDinaShow" baǵdaramasyna siltep.
Ánshi Quralaı Nurqadilovanyń konerttiń dál aldynda pyshaqtap ketkenin aıtqan.
«Ákesin men óltirdi dep balalary maǵan jala japty. Mereı 11 synyp bitirgen kezde de kelmegen adamdar. Odan keıin baryp anaý jaqtaǵy qyz «Maqpalmen ólsem de aralaspaımyn, Mereımen aralasýǵa bolady» dep suhbat berip otyr. Mereıdiń telefonyn Altynbek Qorazbaev aǵadan surap alǵan. Mereıge qońyraý shalyp, mazasyn ala bastady. Ony maǵan Mereı aıtty. Sodan keıin shyndyqty aıtýyma týra keldi. Onyń qyzy maǵan qııanat jasady. Maǵan pyshaq saldy. Maǵan pyshaq salǵan adam meni keremet qyla ma? Quralaı maǵan pyshaq salǵan. Konerttiń aldynda Respýblıka saraıynyń janynda pyshaqtap ketken. Ol «Vechernıı Almaty» degen gazetke shyqqan. Nurqadilovtiń qyzy dep turyp shyqty», – deıdi ol.
Ánshi konertten keıin de kelgen polıeılerge bul isti Zamanbek Nurqadilovtiń qyzy istemegen dep habarlaǵanyn da jasyrmady. Buǵan sebep - Zamanbek Nurqadilovtyń haty bolǵan eken.
«Sol kezde Zákeńdi azamat retinde qabyldadym. Qudaı-aı, tiri qaldyq qoı, áıteýir. Qursyn, onyń qyzy emes dep jazyp bereıin dedim. Sińlim sonda maǵan aıǵaılady: «Erteń seni óltirip ketse, kim jaýap beredi?» dep maǵan urysty. Men «anaý bastyqqa obal ǵoı, qalanyń dardaı bastyǵy, halyqqa qandaı jaqsylyq jasap jatyr, onyń qyzy emes dep jazyp bereıin» dedim de, polıııaǵa «jasóspirimder solaı istedi» dep jazyp berdim. Sóıtip, ákesiniń abyroıyn oılap, men ony keshirgenmin. Biraq odan keıin túsindi me?» – deıdi Maqpal Júnisova.
