Amnesty International uıymynyń 2023 jyldyń 7 qazanyndaǵy oqıǵalardan keıingi Izraıl áreketterine arnalǵan baıandamasy qoǵam men halyqaralyq qaýymdastyq arasynda úlken rezonans týdyrdy, dep habarlaıdy "Adyrna" ulttyq portaly.
Uıym Izraıldiń Gaza sektoryndaǵy áreketterin genoıd retinde baǵalaýǵa bolatynyn málimdegen.
Baıandamaǵa sáıkes, 42 000-nan astam palestınalyq qaza tapqan, onyń ishinde 13 300 bala bar. 97 000-ǵa jýyq adam jaraqat alyp, Gazanyń ınfraqurylymy, úıleri men aýrýhanalary jappaı qıraǵan. Bul aımaqtyń basym bóligi ómir súrýge jaramsyz kúıge túsken.
Izraıldiń Gazadaǵy blokadasy elektr qýaty, sý, azyq-túlik pen dári-dármekke qol jetkizýdi shektep, gýmanıtarlyq apatqa sebepshi boldy. Amnesty International bul jaǵdaıdy qasaqana jasalǵan áreket retinde baǵalaıdy.
Baıandamada Izraıldiń keıbir laýazymdy tulǵalarynyń palestınalyqtarǵa qarsy jasalǵan málimdemeleri genoıdtik áreketterdi aqtaıdy dep kórsetilgen. Izraıldiń áskerı operaııalarynda azamattyq jáne áskerı nysandar ajyratylmaǵan, bul kóptegen beıbit turǵyndardyń qaza tabýyna sebep bolǵan.
Mıllıondaǵan palestınalyqtar birneshe ret májbúrli qonys aýdarýǵa ushyrap, olardyń gýmanıtarlyq jaǵdaıy odan ári nasharlaǵan.
Amnesty International baıandamasynda halyqaralyq qaýymdastyqty Izraılge qarý-jaraq jetkizýdi toqtatýǵa jáne genoıdke jaýapty tulǵalardy jaýapqa tartýǵa shaqyrdy. Sondaı-aq uıym Izraıldiń joǵary laýazymdy tulǵalaryna qatysty halyqaralyq qylmystyq sottyń tergeý júrgizýin talap etti.
Izraıl bul aıyptaýlardy úzildi-kesildi joqqa shyǵaryp, óz áreketterin HAMAS uıymymen kúresý jáne azamattaryn qorǵaý maqsatynda jasalǵan dep túsindiredi.
Bul baıandama halyqaralyq deńgeıde úlken pikirtalas týdyrdy.
