16-17 qarasha kúnderi almatylyq kórermenge Sham teatry Ivan Vyrypaevtiń áıgili «Konferenııa» dramasy usynyldy. Qoıylym kórermenderdi tereń oıǵa jetelep, ǵalamdyq máseleler men jeke adam tragedııalarynyń názik baılanysyn kórsetti.
Kopengagennen bastalǵan konferenııa Almatyǵa jetti
Shyǵarmada adamzattyń gýmanıtarlyq daǵdarystary men álemdik problemalary keńinen talqylanady. Kopengagende jınalǵan shyǵystanýshylar, teologtar, saıasattanýshylar jáne Nobel syılyǵynyń laýreattary óz tájirıbeleri men jeke oqıǵalaryn ortaǵa salyp, kórermendi emoııaǵa toly saıahatqa jeteleıdi.
Shyǵarmashylyq toptyń erekshe eńbegi
Spektakldiń qoıýshy rejısseri Farhad Moldaǵalı týyndyǵa erekshe kórkemdik stıl berse, aýdarmashy Álisher Rahat onyń tereń oıyn qazaqsha mánerli tilmen jetkizdi. Fatı Besoltıdiń kompozıtorlyq sheberligi men Dmıtrıı Sobolevtiń medıa-sýretshi retindegi eńbegi, sondaı-aq Alma Syrbaevanyń kostıým dızaıny qoıylymnyń áserliligin arttyra tústi.
Shyryn - Zarına Karmen
Paskýal Andersen - Saǵyzbaı Qarabalın
Olıver Larsen - Erlan Bilál
Gýstav Iensen - Erkebulan Daıyrov
Magnýs Tomsen - Darhan Súleımenov
Emma Shmıdt-Paýlsen — Samal Eslıamova
Avgýstın ákeı - Azamat Satybaldy
Danıel Krıstensen - Asan Majıt
Astrıd Petersen - Aqbota Rahat
Fılıpp Rasmýsen - Nurǵısa Qýanyshbaıuly
Kórermenderdiń pikiri
Qoıylymdy tamashalaǵandardyń biri Anar esimdi kórermen:
«Bul spektakl tek oıyn-saýyq emes, ómirlik mańyzdy suraqtarǵa jaýap izdeý boldy. Meniń janymdy tolqytty», — dep áserimen bólisti.
Tereń oıdyń sahnadaǵy beınesi
«Konferenııa» — bul tek sahnalyq qoıylym ǵana emes, kórermenniń ishki jan dúnıesine áser etetin, ómirge basqa qyrynan qaraýǵa májbúrleıtin shyǵarma. Jeke adam men qoǵam arasyndaǵy názik baılanysty beınelegen spektakl kórermenderdiń esinde uzaq saqtalary anyq.
Almaty sahnasynda kórermenin tapqan Sham teatrynyń «Konferenııa» dramasy — ózekti máseleler men fılosofııalyq oıdyń úılesimdiligimen este qalatyn erekshe oqıǵa boldy.
