Memleket basshysy «Adam saýdasyna qarsy kúres týraly» QR Zańyna qol qoıdy. Zańda qul eńbegin qanaý, jynystyq tıispeýshilik, qaıyrshylyq, adamdardy qarýly topqa paıdalaný, eriksiz neke, aǵzalardy saýdalaý, asyrap alý jeleýimen náresteni shetelge satýǵa jol bermeý syndy azamattardyń quqyqtaryn júzege asyrý kózdelgen.
Atalmysh zańdy shetel azamattaryn jumyspen qamtyp otyrǵan kásipkerlik jáne sharýashylyq ıelerine túsindirý, sondaı-aq adam saýdasy, esirtki, alaıaqtyq qylmystardyń aldyn alý maqsatynda Batys Qazaqstan oblysyna qarasty Báıterek aýdandyq ishki saıasat bóliminiń tapsyrysy boıynsha «adam, esirtki saýdasynyń aldyn alý maqsatyndaǵy is-sharalardy uıymdastyrý jáne ótkizý» jobasy sheńberinde reıd jumystaryn júrgizdi.
Adam saýdasymen kúres, esirtki zattaryn satýdyń aldyn alý jáne «Alaıaqtardan saq bolyńyz!» taqyrybynda atalǵan máselemen betpe-bet kelgen azamattar habarlasa alatyn jedel jel telefondary, quqyq qorǵaý qurylymdarynyń mekenjaıy kórsetilgen 1 000 dana broshıýra taratyldy. Báıterek aýdandyq kóshi-qon polıııasynyń málimetine súıensek, qazirgi tańda Báıterek aýdany boıynsha 1 137 shetel azamaty jumysqa tartylǵan. Onyń ishinde Prıýral aýmaǵynda 756, Peremetnyı baǵytyndaǵy aýyldarda 381 adam tirkelgen. Is-shara barysynda egin sharýashylyǵymen aınalysatyn «Ýrojaı», «Artýr», «Kýjaev», «Pogodaev», «Jańa álem» sharýa qojalyqtary men Asan aýylynda tasqynnan zardap shekkenderge arnalǵan úı qurylysyn júrgizip jatqan «Ýrazbaeva» jeke kásipkerligi tekserilip, jumysshylardyń eńbegine saı ýaqtyly jalaqy alýy, turǵyn úı, tamaqpen qamtamasyz etilýi, táýliktegi jumys ýaqytynyń saqtalýy jáne qujattary tekserildi. Shetel azamattarynyń qujattarynan zańbuzýshylyq anyqtalmady. Olardyń tarapynan jumys berýshilerge shaǵym túspedi.
Maýsymdyq jumystardaǵy aı saıynǵy aılyqtary 400-500 dollardy quraıdy. Jumys kúni 8 saǵattan aspaıtynyn aıtady.
Aıta ketý kerek, shetel azamattarynyń múddesi QR «Halyqtyń kóshi-qon týraly» Zańymen jáne eńbek quqyqtary QR «Eńbek kodeksimen» retteledi. Sondaı-aq eger atalǵan derekterge qatysty zańsyzdyqtar tirkelse polıııa jáne mıgraııa qyzmeti zań aıasynda shuǵyl shara qabyldap, qylmystyq kodekstiń adam eńbegin zańsyz qoldaný baby boıynsha tergeý amaldaryn júrgizedi. Aýdandaǵy sheteldik azamattar sharýa qojalyqtaryndaǵy maýsymdyq jumystar men qurylys salasyna kóptep tartylǵan. UQK qyzmetkerleri shetel azamattarynyń qandaı din ustanatyny, onyń aınalasyna áseri baǵytynda jumystar júretinin, QR QK 174 baby (ulttyq, áleýmettik, rýlyq, dinı, násildik alaýyzdyqty qozdyrý) jáne 258 baby (terrorıstik nemese ekstremıstik qyzmetti qarjylandyrý) boıynsha profılaktıka ótkizilgenin aıtady.
